Мозг сініцы павялічваецца, каб птушка запомніла свае схованкі ежы на зіму

Чорнашапачныя сініцы (Poecile atricapillus) выжываюць узімку ў паўднёвай частцы Канады і на поўначы ЗША дзякуючы запасам ежы, якія яны робяць на індывідуальных тэрыторыях. Гэтыя запасы граюць вялікую ролю ў паспяховай зімоўцы сініц, таму што з’яўляюцца важным дадаткам ежы – і энергіі – да той, якую сініцы знаходзяць штодня.

З-за таго, што сініцы робяць схованкі ў разнастайных шчылінах, ежу з іх наўрацці могуць знайсці і скрасці іншыя жывёлы, але гэта таксама значыць, што птушкі мусяць памятаць дакладнае размяшчэнне сваіх запасаў.

Амерыканскія даследчыкі паказалі, што агульны памер гіпакампа (hippocampus) чорнашапачных сініц павялічваецца ўвосень і ўзімку і фактычна адлюстроўвае утварэнне новых нейронаў у гэтым аддзеле мозга.

Фактары, якія кантралююць гэтыя змены, застаюцца не да канца зразумелымі, аднак хутчэй за ўсё гэта адбываецца па меры павелічэння колькасці схованак ежы кожнай канкрэтнай сініцы.

Даследчыкі пішуць: “Даступныя нам пацверджанні кажуць пра тое, што змены памераў гіпакампа і ўтварэнне новых нейронаў (neurogenesis) могуць быць следствам удзелу гэтага аддзелу галаўнога мозгу ў змене паводзін птушак для запасання і прыхоўвання ежы”.

Цікава, што ў прынцыпе гіпакамп мае параўнальна нашмат большыя памеры ў тых відаў, якія робяць запасы ежы ў схованках – напрыклад, у розных відаў сініц, у параўнананні з тымі, якія падобныя запасы не робяць.

І хаця індывідуальныя запасы ежы часам могуць спажывацца нават вясной, аднак большасць птушак больш не карыстаецца імі з заканчэннем зімы.

Colin Saldanha, асістэнт прафесара Lehigh University, сказаў: "Вельмі надхняюча мець магчымасць убачыць падобныя змены ў натуральных умовах. Наша гіпотэза заключаецца ў тым, што хуткі рост гіпакампа мoжа адбывацца тады, калі птушкі найбольш патрабуюць гэтага”.

Крыніца: Sherry, D F, & Vaccarino, A L. Hippocampus and memory for food caches in black-capped chickadees. Behavioral Neuroscience 103.2: 308. DOI: https://doi.org/10.1037/0735-7044.103.2.308