Шэрая чапля: Не, я не вегетарыянка

Маладая шэрая чапля (Ardea cinerea), хутчэй за ўсё тая ж, здольная да хуткай рыбалкі птушка, працягвае прылятаць на вялікую мялізну, якая ўтварылася пасярэдзіне Нёману у цэнтры гораду.

Прыкладна за гадзіну назіранняў за ёй яна злавіла 5 малькоў (на здымках, дзе з яе дзюбы сцякае вада, можна паспрабаваць знайсці іх), але сапраўдная здабыча трапіла ў яе дзюбу толькі аднойчы і спачатку здзівіла мяне.

А адбылося вось што: птушка пераляцела з купін рагозу на больш адкрытую воду, якая, аднак, зарасла густымі вадаростамі. І там, пасля рэзкага выпаду, яна, замест таго, каб разагнуцца і дастаць здабычу, засталася стаяць з дзюбай ў вадзе, у якой трымала нешта вялікае і цёмнае. Я адразу падумаў, што чапля злавіла сама і не можа з-за яго велічыні дастаць рыбу, а адпусціць такую здабычу ёй шкада. Але ўсё аказалася прасцей) :