На яшчэ не да канца саспелыя гронкі чорнвй бузіны прыляцелі двое. Як хутка аказалася - нехта з бацькоў і ўжо вялікае птушанё палявога вераб'я (Passer montanus). Дарослая птшка амаль адразу пачала выціскаць сок з ужо чорных ягад, а маладая сядзела побач і часта трапятала паўраскрытымі крыламі, выпрошваючы для сябе ежу.
Здавалася, дарослы верабей не звяртае ўвагі на маладога, але апошняму было выразна відаць з невялікай адлегласці якія менавіта ягады выбірае дарослы і што з імі робіць. Вельмі магчыма, што так дэманстраваліся карысныя паводзіны, якія варта было капіраваць і пераймаць. Раней гэта было немагчыма зрабіць, бо не было спелай бузіны, цяпер жа штодня яе становіцца ўсё больш і трэба толькі правільна выбраць ягады і навучыцца выціскаць з іх сок.
Маладая птушка з раскрытай дзюбай хутка зусім наблізілася да дарослай, але ці пакармілі яе, я не заўважыў, бо часам птушак закрывала ад мяне лісце бузіны. Нават калі і так, гэта не перашкодзіць пачаць выкарыстоўвываць яшчэ адну ежу калі захочацца. Бо ўжо бачыла што і як.
Гродна, 15-08-2025
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
КАМЕНТАРЫ