Пінгвін заблукаў, але мае шанцы вярнуцца дадому

Каралеўскі пінгвін (Aptenodytes patagonicus) апынуўся ў заапарку сталіцы Новай Зеландыі пасля таго, як праплыў не менш 2 тысяч км з Антарктыды.

Малады самец пінгвіна ў даволі кепскім стане (абязвожаны і галодны) стаў чацвёртай птушкай свайго віду, якая адзначаная за апошняе стагоддзе ў Новай Зеландыі. Навукоўцы лічаць, што ён, хутчэй за ўсё, паходзіць з гнездавой калоніі на субантарктычным востраве Macquarie.

Ветэрынары кажуць, што пінгвін, які атрымаў мянушку Шчаслівая стапа Юніёр (Happy Feet Jr), мог правесці ў акіяне нават год. Ліза Эргіла (Lisa Argilla), ветэрынарка з заапарку Ўэлінгтана лічыць, што малады пінгвін меў праблемы з паляваннем, а на навазеландзкім узбярэжжы апынуўся з-за таго, што мусіў пачаць сезонную ліньку.

Птушка была знойдзена на пляжы Tora, на поўдзень ад Уэлінгтону, ў мінулую нядзелю.

"Ён вельмі слабы, не хоча ўставаць. Штодзень адбываецца невялікі прагрэс, але птушка ўсё яшчэ ў крытычным становішчы.” – сказала сп-ня Эргіла. Калі пінгвіна ўсё ж атрымаецца выратаваць, ён будзе выпушчаны назад у прыроду.

Пінгвіны лічацца вельмі добрымі навігатарамі і таму для яго не будзе праблемай знайсці шлях назад дадому.

Ў мінулым годзе мясцовай сенсацыяй стаў імператарскі пінгвін, які таксама апынуўся на мясцовым узбярэжжы. Ветэрынары вымылі з яго страўніка ажно 3 кг пяску – хутчэй за ўсё пінгвін глытаў яго, паблытаўшы са снегам. Птушка атрымала перадатчык, аднак даволі хутка знікла з радараў.

Паводле www.news.bbc.co.uk падрыхтаваў Дзьмітры Вінчэўскі для www.birdwatch.by

Здымак з www.penguinology.blogspot.com

На гэтую тэму:

Імператарскі пінгвін з Антарктыды апынуўся ў Новай Зеландыі