Лепшыя майскія здымкі нашага фотаконкурсу "Магія дзікай прыроды Беларусі"

 Час, разлічаны на прыём конкурсных фотаздымкаў пераваліў за сярэдзіну. Аднак да заканчэння фотаконкурсу застаецца яшчэ шмат часу - чакаем на Вашы работы.

Сёння мы прадстаўляем найлепшыя здымкі, размешчаныя на нашым сайце ў мае-траўне, якія прайшлі ў фінал.

Толькі два нашы пастаянныя аўтары змаглі трапіць у Топ-10 у намінацыі "Магія дзікіх птушак", хаця колькасць вельмі добрых здымкаў і аўтараў менавіта ў гэтай намінацыі значна павялічылася. Апошнія месцы ў дзесятцы майскіх фіналістаў вызначалі нават не дзесятыя бала, а час размяшчэння здымкаў.

Такім чынам, наступныя работы праходзяць у фінал фотаконкурсу ў гэтай намінацыі:

Незвычайны звычайны шпак Мікалая Вераб'я з Любані, а таксама яго ж аўтарства

Балотная сава ў дзённым дазоры,

Скромны ланч куліка-цякуна,

Самец поплаўнага луня пад час палявання

і праверка гнездавой тэрыторыі самцом балотнага луня,

прыгожая пара лугавых ерчыкаў у наздвычай яркім асяроддзі

і адзін з самых незвычайных здымкаў мая - самец дамовага вераб'я з генамі паўліна.

Аляксандр Эрдман з Полацка працягвае радаваць сваімі яркімі серыямі кулікоў і іншых водна-балотных птушак. З гэтых фотаработ у фіналі прайшлі яго

Самец садовай чаротаўкі,

Партрэт куліка-паручэйніка, які рэдкі ў нас на міграцыі і яшчэ больш рэдкі на гнездаванні;

і "па калені" ў вадзе кулік-селянец.

Фіналісты ў намінацыі "Магія дзікіх жывёл" адкрываюцца сапраўды рэдкім момантам на здымку Аляксандра Вінчэўскага з Мінска:

 Спарванне бязногіх яшчарак-сліўняў, якое наўрацці бачылі ў прыродзе нават прафесійныя герпетолагі;

 Размераны і ўпэўнены бег зайца-шарака адлюстроўвае здымак Уладзіміра Проніча з Пухаўшчыны;

 не менш упэўнена пачуваецца квакша на фота Дзьмітрыя Вінчэўскага з Гродна;

вужу-рыбалову  можна пазайздросціць на здымку Аляксандра Эрдмана,

 а таксама паназіраць за казулямі "на тым беразе" таго ж аўтара.

Фотаграфіі з намінацыі "Магія МакраСвету" таксама адлюстроўваюць рэдкі момант - чаргу іксодавых кляшчоў на рассяленне аўтарства Юрыя Емельянава з Мінска: 

 Не менш прыгожымі атрымаліся мухі-фотамадэлі на здымках Аляксандра Эрдмана:

 ярка і прыгожа выйшаў матыль на фота Таццяны Яварэц з Гродна:

 і валошка на здымку Аляксандра Вінчэўскага:

 Сярод найлепшых здымкаў у намінацыі "Магія краявідаў" ажно тры паказваюць прыгажосць Нёманскай Свіслачы (аўтар - Дзьмітры Вінчэўскі): 

 Два іншых - аўтарства Д.Самусева:

 Марозны ранак

 і Восеньская палітра.

 Дзякуем усім удзельнікам фотаконкурсу і тым, хто знайшоў час паставіць балы конкурсным здымкам  і пакінуць свае ўражанні ад іх у каментарах.

Віншуем аўтараў здымкаў-фіналістаў і нагадваем, што ў другім этапе фотаконкурсу ўсе фатаграфіі, якія трапілі ў фінал, будуць яшчэ раз ацэньвацца міжнародным Журы. Па тры здымкі з кожнай з чатырох намінацый, якія  атрымаюць найвышэйшыя адзнакі, будуць надрукаваныя ў насценным календары на 2015 год. 

 Фотаконкурс "Магія дзікай прыроды Беларусі - 2014" праводзіцца сайтам "Птушкі штодня" (Вirdwatch.by), Гродзенскім абласным аддзяленнем АПБ і турфірмай "ПерэгрынусКомпані"  (www.peregrinus.by).  

 Палажэнне аб фатаконкурсе ТУТ

 Вынікі падрыхтаваў Дзьмітры Вінчэўскі.

 На гэтую тэму:

 ЛЕПШЫЯ ЗДЫМКІ "МАГІІ ДЗІКАЙ ПРЫРОДЫ БЕЛАРУСІ-2014" ЗА КРАСАВІК

 "МАГІЯ ДЗІКАЙ ПРЫРОДЫ БЕЛАРУСІ-2014" - ЗДЫМКІ-ФІНАЛІСТЫ САКАВІКА

 ЛЮТАЎСКІЯ ВЫНІКІ ФОТАКОНКУРСУ "МАГІЯ ДЗІКАЙ ПРЫРОДЫ БЕЛАРУСІ -2014"

 СТУДЗЕНЬСКІЯ ВЫНІКІ ФОТАКОНКУРСУ "МАГІЯ ДЗІКАЙ ПРЫРОДЫ БЕЛАРУСІ- 2014"

 ВЫНІКІ ФОТАКОНКУРСУ “МАГІЯ ДЗІКАЙ ПРЫРОДЫ БЕЛАРУСІ-2013 “ – ПЕРАМАГЛІ ЛЕПШЫЯ!

СТО ЛЕПШЫХ ЗДЫМКАЎ ФОТАКОНКУРСА "МАГІЯ ДЗІКАЙ ПРЫРОДЫ-2013"