Мы вельмі рады паказаць фотаздымкі-фіналісты нашага фотаконкурсу за красавік. Як і раней, лепшыя фоты вызначаюць балы, пастаўленыя здымкам нашымі зарэгістраванымі карыстальнікамі.
Найбольш моцная канкурэнцыя - як заўсёды - адбывалася паміж здымкамі ў катэгорыі "Магія дзікіх птушак", у Топ-10 якой трапілі сапраўды наймацнейшыя работы.
Сярод іх пяць вельмі якасных і цікавых здымкаў звычайных відаў птушак, зробленых Мікалаем Вераб'ём з Любані -пераможцам мінулагодняга конкурсу, на якіх:
самец зелянушкі,
самец звычайнай стрынаткі,
самка вялікага дзятла з самцом чорнага дразда на заднім плане,
сіняя сініца
і самец чорнага дразда. Гэтыя здымкі яшчэ раз паказваюць, што нават самыя звычайныя віды птушак вакол нас могуць выглядаць выключна прыгожа і незвычайна ярка на фатаграфіях майстра.
Сярод гэтай кампаніі птушак цікава глядзіцца фота ружовага пелікана - віда, які залятае ў нашу краіну нават не штогод, але сёлета знаходзіцца на рыбгасе "Волма" пад Мінскам прыкладна з паловы красавіка:
Здымак зроблены Аляксандрам Вінчэўскім з Мінска.
Як прыгожы зімовы ўспамін можна разглядаць фота касматаногага канюха Уладзіміра Янушэвіча са Слоніма:
З вялікай і выдатнай вясновай серыі здымкаў птушак Аляксандра Эрдмана (Полацк), у фінал з красавіка прайшлі фота цецярука:
кулікоў-чарнякоў на бабровай плаціне:
і самца арабка:
У намінацыі "Магія дзікіх жывёл" найлепшымі сталі наступныя пяць здымкаў:
рыжая лясная палёўка Мікалая Вераб'я;
вуж і лось Аляксандра Эрдмана:
а таксама два здымкі рэптылій, зробленыя Уладзімірам Пенькевічам са Смілавічаў у Палескім эколага-радыялагічным запаведніку:
гадзюкі
і порсткай яшчаркі.
У намінацыі "Магія МакраСвету" Топ-5 выглядае наступным чынам:
Здымак вадзянога клапа з вельмі філасофскай назвай "Усё застаўляе свой след" Аляксандра Эрдмана;
квітнеючы балотны мірт Мікіты Львова са Стаўбцоўшчыны,
і сон-трава Юрыя Емельянава з Мінска.
З намінацыі "Магія краявідаў" у фінал трапілі тры здымкі Д.Самусева:
"Туманная раніца",
"Хутка навальніца"
і "Пясчаная каса на р.Проня"
Сонечнае гала над рыбгасам "Трэмля" Аляксандра Шэўчыка з Калінкавіч,
і "Першабытны лес" у пойме Нёмана Юрыя Емельянава.
Дзякуем усім удзельнікам фотаконкурсу і тым, хто знайшоў час паставіць балы конкурсным здымкам і пакінуць свае ўражанні ад іх у каментарах.
Віншуем аўтараў здымкаў-фіналістаў і нагадваем, што ў другім этапе фотаконкурсу ўсе фатаграфіі, якія трапілі ў фінал, будуць яшчэ раз ацэньвацца міжнародным Журы. Па тры здымкі з кожнай з чатырох намінацый, якія атрымаюць найвышэйшыя адзнакі, будуць надрукаваныя ў насценным календары на 2015 год.
Фотаконкурс "Магія дзікай прыроды Беларусі - 2014" праводзіцца сайтам "Птушкі штодня" (Вirdwatch.by), Гродзенскім абласным аддзяленнем АПБ і турфірмай "ПерэгрынусКомпані" (www.peregrinus.by).
Палажэнне аб фатаконкурсе ТУТ
Вынікі падрыхтаваў Дзьмітры Вінчэўскі
На гэтую тэму:
"МАГІЯ ДЗІКАЙ ПРЫРОДЫ БЕЛАРУСІ-2014" - ЗДЫМКІ-ФІНАЛІСТЫ САКАВІКА
ЛЮТАЎСКІЯ ВЫНІКІ ФОТАКОНКУРСУ "МАГІЯ ДЗІКАЙ ПРЫРОДЫ БЕЛАРУСІ -2014"
СТУДЗЕНЬСКІЯ ВЫНІКІ ФОТАКОНКУРСУ "МАГІЯ ДЗІКАЙ ПРЫРОДЫ БЕЛАРУСІ- 2014"
ВЫНІКІ ФОТАКОНКУРСУ “МАГІЯ ДЗІКАЙ ПРЫРОДЫ БЕЛАРУСІ-2013 “ – ПЕРАМАГЛІ ЛЕПШЫЯ!
СТО ЛЕПШЫХ ЗДЫМКАЎ ФОТАКОНКУРСА "МАГІЯ ДЗІКАЙ ПРЫРОДЫ-2013"
- Увайдзіце ці зарэгіструйцеся каб пакідаць каментары.
КАМЕНТАРЫ