КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Сезон чорнай бузіны адкрыты!

рудахвостка-чарнушка

Напэўна дзякуючы сонечнаму і цёпламу лету ягады чорнай бузіны (Sambucus nígra) паспелі, як і ў мінулым годзе, ужо на сярэдзіну жніўня.  Але яшчэ далёка не ўсе , а толькі на кустах з усходняй экспазіцыяй. Менавіта на такім кусце я і заўважыў 15 жніўня першую рудахвостку-чарнушку (Phoenicurus ochruros), якая сядзела на гронцы чорных ягад. А ў наступныя дні атрымалася не толькі ўбачыць, але і зняць на ім як чарнушак, так і яшчэ два віды вераб'іных птушак, якія час ад часу прыляталі сюды пад'есці ягады:

Гэта былі леска-завірушка (Sylvia curucca) - перадапошні здымак, і леска-чарнагалоўка (S. atricapilla). - апошні здымак.

Хаця рудахвосткі-чарнушкі зрэдку прыляталі есці бузіну нават удвух, але пакуль што і паасобна робяць гэта нячаста - сезон чорнай бузіны хаця і адкрыты, але яго папулярнасць яшчэ яўна наперадзе.  Ну а пасля ягад можна і пакупацца ў праточнай плыткай вадзе, якая разліваецца па ходніку каля кустоў з бузіной з-за таго, што побач крынічную ваду адпампоўваюць з лёхаў былога палаца Сапегаў, а пазней піўзавода. і 'вяртаюць' у Нёман.

Гродна, 16-18.08.2023

Аўтар - Дзьмітры Вінчэўскі