Як запрацаваць на рэінтрадукцыі птушак – прыклад Шатландыі

Справаздача пра адмысловы турыстычны шлях Galloway Kite Trail у паўднёвай Шатландыі пацвердзіла, што ён прыцягвае ў мясцовую эканоміку мільёны фунтаў сцерлінгаў.

Пасля афіцыйнага адкрыцця “шляху каршуна ў Гэлоўэй” ў 2003 г., яго наведвальнікі патрацілі ў рэгіёне як мінімум 33 мільёны £. Штогод праект падтрымлівае эквівалент 15 працоўных месцаў на поўную стаўку.

Турыстычны шлях, які прадстаўляе з сябе замкнуты ў кола маршрут для самастойнага наведвання без гіда вакол возера Loch Ken у замка Castle Douglas, адной з галоўных атракцый прадстаўляе магчымасць убачыць мясцовых чырвоных каршуноў (M.milvus) на некалькіх створаных для гэтага пляцоўках, а таксама ўдзельнічаць ў іншых турыстычных актыўнасцях.

Чырвоныя каршуны былі паспяхова інтрадукаваныя ў графстве Galloway пасля 130 год адсутнасці. Гэты від драпежных птушак (разам з некаторымі іншымі) пераследаваўся ў Шатландыі да таго моманту, як быў цалкам знішчаны на прыканцы ХІХ ст., аднак цяпер рэінтрадукаваныя птушкі стварылі тут устойлівую і самападтрымліваемую папуляцыю, колькасць якой аценьваецца ў 330-380 птушак.

З пачатку рэінтрадукцыі праект падтрымліваецца фондам Шатландзкая прыродная спадчына Scottish Natural Heritage (SNH).

Крыс Майлз (Chris Miles), менэджэр тэрыторыі з SNH, сказаў: "Рэінтрадукцыя гэтага віду была выдатнай гісторыяй вялікага поспеху. Цяпер самастойная папуляцыя памалу распаўсюджваецца ад нас і на іншыя тэрыторыі. Вельмі прыемна ведаць, што гэты спектакль дзікай прыроды таксама стварае дадатны эканамічны эфект.”

Усе лічбы былі атрыманыя валанцёрамі RSPB Scotland.

Паводле www.bbc.co.uk падрыхтаваў Дзьмітры Вінчэўскі для www.birdwatch.by

Здымак з www.raptorpolitics.org.uk  

 

На гэтую тэму:

Рэінтрaдyкаваныя птушкі прыносяць мільёны фунтаў прыбылі

Чырвоны каршун апынуўся ў клопатах

Рэкордны год для арлана-белахвоста

Мільёны фунтаў за паказ арланаў

Аўдзіт англійскай прыроды – прапалі 500 відаў!