Клуб «Птицы и Люди», джип-клуб «Лебедушка» и Тверской государственный университет приглашают вас принять участие в автомобильных соревнованиях по спортивной орнитологии бёрдинг-ралли «Гуси-Лебеди – 2010». Ралли пройдет на северо-востоке Тверской области в верховьях реки Мологи близ одного из древнейших русских городов – Бежецка (280 км от Москвы). Заезд в базовый полевой лагерь на берегу реки планируется вечером 14 мая, в пятницу. 15 мая – день соревнований, подведение итогов и награждение победителей состоится утром 16 мая.

Жоўтанадхвостая амерыканская леска (Dendroica coronata), якая часам залятае на Брытанскія астравы і ў кантынентальную Еўропу, падзелена на чатыры самастойных віды паводле рашэння Міжнароднага орніталагічнага кангрэсу.
Да 1973 году Амерыканскі орніталагічны звяз AOU ужо лічыў асобнымі відамі амерыканскую леску Ад’юбона (Audubon’s Warbler), якая распаўсюджана на захадзе Паўночнай Амерыкі, і амерыканскую леску Майртла, якая жыве ва ўсходняй частцы Паўночнай Амерыкі. Аднак пасля таго, як аказалася што віды могуць паміж сабой свабодна перакрыжоўвацца, AOU аб’яднаў іх у адзін від.

З 19 сакавіка 2010 года у паштовых аддзяленнях па ўсёй Беларусі можна набыць марку з Пустальгой – Птушкай 2010 году. На аркушы 7 марак з выявай самкі пустальгі– кожная наміналам 1000 рублёў – і купон з выявай самца. Птушкі намаляваныя мастаком Аляксандрам Міцяніным на фоне Бернардынскага касцёла ў Гродна, на якім ужо некалькі апошніх гадоў гняздуе пара гэтых птушак за статуяй Святой Елены.

    Арганізацыя BirdLife Malta атрымала сігналы пра сумныя вынікі браканьерскага палявання на птушак пасля пачатку сёлетняй веснавой міграцыі. Толькі ў апошнія дні былі знойдзены забітымі або параненымі чатыры драпежныя птушкі: стэпавая пустальга (Falco naumanni), звычайная пустальга (Falco tinnunculus) і 2 балотныя луні (Circus aeruginosus).

Цяпер ужо, напэўна, немагчыма ўстанавіць дакладную дату, калі быў зроблены дакументацыйны здымак незвычайнага баклана на рацэ Нёман недалёка ад Гродна. Яго слоўнае апісанне дакладна супадае з малым бакланам (Phalacrocorax pygmaeus), першая рэгістрацыя якога адбылася ў нашай краіне толькі ў мінулым годзе. Вядома толькі, што адбылося гэта гэтай зімой і паведамленню гэтага бёдуотчара з вялікім стажам можна давяраць (па пэўных прычынах мы не паведамляем яго імя і прозвішча).

    Інтрыга пад час чарговага конкурсу нашага сайту на лепшы рэпартаж з Сусветных дзён назіранняў за птушкамі, якія штогод адбываюцца ў першыя выходныя кастрычніка, аказалася зусім незапланаванай. Што праўда, лепшы рэпартаж быў выбраны нашымі карыстальнікамі з добрым адрывам ад супернікаў і ім стаў Birdwatch 2009 глазами Raptors ( конкурсный репортаж), які падрыхтавалі Эла Данцова і Аляксей Ківачук. Аднак абяцаны прыз – найлепшы сучасны вызначальнік птушак Collins Birds Guide знік з продажаў па усёй Еўропе, і мы не змаглі яго набыць каб даслаць пераможцам.

    Назіральнікі птушак з розных краін Еўропы распачалі сапраўдную гонку з часам і стараюцца знайсці самую рэдкую птушку Заходняй Палеарктыкі пакуль яна не знікла назаўсёды.
Навукоўцы баяцца, што танкадзюбы кулён (Numenius tenuirostris), якога больш за 10 гадоў таму бачылі апошні раз, ужо знік – з-за страты месцапражыванняў і палявання.
Калі гэта так, гэта будзе трэці від еўрапейскіх птушак, які вынішчаны чалавекам з 1600-х гадоў.

      Яшчэ на самым пачатку, на сайце планаваўся вызначальнік-даведнік па птушках Беларусі, вось і надыходзіць час, калі ідэя можа ажыццявіцца і запрацаваць напоўніцу. Але, як і заўсёды, для гэтага паьрэбная дапамога карыстальнікаў сайта. Вашай увазе прапануецца прыкладны варыянт вызначальніка, і як ён будзе працаваць. Вельмі важна вашае меркаванне на гэты конт, а таксама парады, што можна дадаць ці прыбраць, асабліва па раздзелах   відавога нарыса.

    Каралеўскае таварыства абароны птушак RSPB падтрымала высілкі ўраду забараніць выкарыстанне торфу ў садах і агародах, як “выразна неадэкватнае” сучаснаму стану, ў якім апынуліся брытанскія балоты. 
Хілары Бэн (Hilary Benn), міністр навакольнага асяроддзя (Secretary of State for the Environment), на мінулым тыдні прадставіла планы падтрымкі пакупкі садаводамі кампостаў без торфу.

     Палявы сезон-2009” – такую назву мае выстава фотаздымкаў Заходне-Палескага рэгіянальнага аддзялення ГА “Ахова птушак Бацькаўшчыны”, якая гэтымі днямі экспануецца ў фае раённай гімназіі. Яна прымеркавана да Міжнароднага года біяразнастайнасці, якім па рашэнні ААН быў аб’яўлены 2010г. Фотавыставу дапамаглі арганізаваць: Наталля Асіпук, намеснік дырэктара па выхаваўчай рабоце, юныя арнітолагі – члены гуртка “Крылаты дазор” пад кіраўніцтвам настаўніцы Алы Чуль і Дзяніс Кіцель, студэнт БрДУ імя А.С.Пушкіна і яго мама – Алёна Кіцель. 

    Дзякуючы аналізу ДНК, навукоўцы змаглі вылучыць новы від птушак, які атрымаў назву грычун боубоу Laniarius willardi. Яго адзінай выразнай знешняй рысай, па якой прадстаўнікоў віду можна адрозніць ад блізкіх відаў чорных афрыканскіх грычуноў (Malaconotidae), ёсць блакітна-шэрыя вочы.
"Гэтая птушка аддзялілася ад блізкіх відаў мільёны гадоў таму, аднак яна толькі цяпер “нарадзілася” для навукі” – пракаментаваў адкрыццё асістэнт прафесара Фолкер (Voelker) з каледжу Station у Тэксасе, ЗША.

Цікавыя фауністычныя назіранні і артыкулы пра асаблівасці розных бакоў жыцця птушак з рэгіёну Паўночнага Падляшша (Północnego Podlasia) Польшчы, якое мяжуе з Берасцейшчынай і Гарадзеншчынай, можна будзе рэгулярна адсочваць з дапамогай новага часопісу DUBELT.
Гэта ўжо другая спроба выпускаць орніталагічны часопіс у гэтым рэгіёне. Першая скончылася ў 1990я гады, калі выйшаў толькі адзін нумар”Птушак Паўночнага Падляшша”.
Дзякуючы прамоцыі, можна паспрабаваць замовіць першы нумар бясплатна, даслаўшы сваю просьбу на гэты адрас: dubelt@onet.pl
 

 Сучасныя тэмпы знікнення біялагічных відаў значна змяншаюць магчымасці з’яўлення новых відаў у выніку эвалюцыі – так лічыць Сайман Сц’юарт (Simon Stuart), кіраўнік камісіі па выжыванню відаў Міжнароднага звязу аховы прыроды (Species Survival Commission for the International Union for the Conservation of Nature (IUCN)).

"Нават прыкладна памераць час, неабходны для ўзнікнення новага віду цяжка. Але няма сумневаў, што сучасныя тэмпы знікнення нашмат хутчэйшыя” – сказаў навуковец у інтэрвью Guardian. .

   Вельмі нечаканыя вынікі даследаванняў каманды заолагаў з універсітэту Cambridge былі апублікаваныя ў апошнім нумары часопіса Science. Навукоўцы праводзілі эксперыменты з яйкамі кенараў, пад час якіх заўважылі, што птушаняты з яек, якія перанеслі ў гнёзды іншых пар птушак таго ж віду не развіваліся таксама добра, як тыя, якія ад пачатку да канца абагравалі бацькі.

    На мінулых выходных у сталіцы Расіі разам з урачыстым адкрыццём фотавыставы здымкаў-фіналістаў былі абвешчаны аўтары - пераможцы міжнароднага фотаконкурсу «Золотая черепаха». І калі ў 2006 годзе, калі конкурс праводзілі ўпершыню, на яго прыслалі каля 3500 фотаздымкаў прыкладна 550 аўтараў, сёлета гэтыя лічбы выраслі ў разы – амаль 2000 аўтараў і больш 20 тысяч здымкаў.