Приглашаем принять участие в очередном полевом семинаре-летнике "Ночные жители леСОВ". Предварительные сроки проведения семинара - 12-16 апреля. Семинар, как обычно, организуется на базе агроусадьбы "Залессе" (Пружанский р-н, Брестская область) Брестским областным отделением АПБ совместно с ГПУ НП "Беловежская Пуща".

Шаноўныя карыстальнікі нашага сайту!

На жаль, з вечара 7 сакавіка сайт працуе нестабільна і частка кантэнту (3 фотаздымкі і некаторыя каментары) бачныя не ўвесь час. Яны не былі выдаленыя, але праблема існуе і мы стараемся разабрацца ў яе прычыне і паправіць сытуацыю.

Выбачайце за часовыя нязручнасці!

Супрацоўнікі ўніверсітэту East Anglia распачынаюць новы праект, каб даведацца чаму белыя буслы (Ciconia ciconia) змяняюць свае адносіны да характару міграцый. З сярэдзіны 1980-х гг усё большая колькасць буслоў заканчвае свае восеньскія міграцыі з краін Паўночнай Еўропы ў Афрыку … ў Гішпаніі і Партугаліі. Тут яны знаходзяць дастаткова ежы на звалках.

Навукоўцы ведаюць, што як мінімум некаторыя віды крумкачовых – як і мы, людзі – могуць распазнаваць спецыфічныя рысы чалавечага твару нават пасля адзінкавага сутыкнення і памятаюць яго праз гады, дзякуючы усталяванню асацыяцый з негатыўнымі або пазітыўнымі пачуццямі ад дзеянняў канкрэтнага чалавека.

Чатыры пары балійскіх майнаў (Leucopsar rothschildi), адной з самых рэдкіх птушак на Зямлі, былі выпушчаныя ў прыроду дзякуючы заапарку ў Чэсцеры (Chester Zoo) і адмысловай праграме па рэінтрадукцыі віду.

Навукоўцы святкуюць чарговую перамогу – яны знайшлі месцы гнездавання новазеландзкай качуркі (Oceanites maorianus), якая лічылася зніклай з 1850 да 2003 г.

Дзякуючы вялікаму праекту, які фінансуецца грашыма краін Еўразвязу ў рамах праграмы Life, балгарскія арнітолагі змаглі зрабіць самы маштабны адлоў чырвонаваллёвых казарак (Branta ruficollis). Частка з іх атрымала спадарожнікавыя перадатчыкі, якія могуць дапамагчы знайсці адказ на сапраўдны выклік для даследчыкаў.

Раніцай 8 лютага 2013 r. у некалькіх кіламетрах ад беларускай мяжы ў польскай мясцовасці Lipnica (Бельскі павет) у гушчыні хмызу недалёка ад невялікага вадаёму быў заўважаны незвычайны голуб.

Апошняе даследаванне паказала, што начное асвятленне ў гарадах дапамагае еўрапейскім чорным драздам (Turdus merula) быць гатовымі да гнездавання ажно за месяц да таго, як да яго будуць гатовыя чорныя дразды з лясоў.

Каралеўскі пінгвін (Aptenodytes patagonicus) апынуўся ў заапарку сталіцы Новай Зеландыі пасля таго, як праплыў не менш 2 тысяч км з Антарктыды.

Віншуем Ілону і Эдварда Дмухоўскіх, якія у пятніцу, 15 лютага, стварылі новую сям'ю!

Гэтая прыгожая пара маладых і актыўных беларусаў далучылася да назіранняў за птушкамі толькі паўгады таму, але іх захапленне бёдуотчынгам і радасць ад сустрэч з птушкамі вартая зайздрасці і больш дасведчаных назіральнікаў.

Жадаем новай сям'і пабольш супольных справаў і пазітыўнага агульнага досведу ад іх. Ну і каб назіранні за птушкамі ды дапамога ім заставаліся на пачэсным месцы і пасля павелічэння сям'і.

Сябры і калегі

Незалежна адкрытая амаль адначасова двума даследчыкамі на востраве Ламбок (Lombok), Інданезія, яшчэ ў верасні 2003 г., рынджанская сплюшка Rinjani Scops owl (Otus jolandae) толькі цяпер была фармальна апісаная для навукі.

Звычайна нават вялізарная птушыная зграя з тысяч птушак рухаецца сінхронна і кожная асобіна з яе паспявая змяняць кірунак палёту разам з іншымі. Пры гэтым наўрадці магчыма, каб кожны чалец зграі сачыў за сотнямі суседзяў. Акрамя таго, у зграі звычайна няма лідэра, але рухі птушак і іх рэакцыя, напрыклад, на з'яўленне драпежніка, аказваюцца на здзіўленне суладнымі і дакладнымі.

Гродзенскае абласное аддзяленне ГА “Ахова птушак Бацькаўшчыны” абвяшчае пачатак прыёму здымкаў на традыцыйны абласны фотаконкурс “Нашы птушкі-2013”.

Сайт Birdwatch.by разам з выдавецкай ініцыятывай “Гарадзенская бібліятэка” абвяшчае новы фотаконкурс “Магія дзікай прыроды-2013”, прысвечаны здымкам беларускай прыроды.