Новы для Беларусі від птушак адзначаны на Берасцейшчыне

23 мая 2011 году на рыбгасе “Навасёлкі” у Драгічынскім раёне Брэсцкай вобласці Віктар Фянчук, дырэктар АПБ, і група галандскіх бёдуотчараў назіралі новы для нашай краіны від птушак – пярэстаносую крычку (Sterna sandvicensis).

Гэта параўнальна вялікая крычка, белая з чорным верхам галавы і невялікім чубам, бачным ззаду. Дзюба чорная, з жоўтым канцом (адкуль і пайшла беларуская назва), ногі чорныя. Пярэстаносую крычку вельмі цяжка зблытаць з іншымі відамі крычак, але каб від афіцыйна патрапіў у Спіс птушак Беларусі, неабходны пазітыўны вердыкт Беларускай орніта-фауністычнай камісіі (БАФК).
Увогуле гэта марскі від з разарваным арэалам: лакальна гняздуе на марскіх узбярэжжах поўдня Еўропы, на Брытанскіх астравах і ў Ірландыі, а таксама ад Біскайскага заліву на ўсход да Эстоніі, паўднёвай Нарвегіі і Швецыі, на Чорным, Каспійскім і Азоўскім марах, у паўночнай Афрыцы. Паўночнай, Цэнтральнай і Паўднёвай Амерыцы і на Антыльскіх астравах.

Гнёзды на зямлі ў калоніі недалёка ад вады на пясчаных або скалістых астраўках ці ўзбярэжжах.
Харчуецца дробнай рыбай і воднымі безхрыбетнымі.
Калі від будзе афіцыйна зацверджаны БАФК, ён стане 321-м, адзначаных у нашай краіне за апошнія прыкладна 150 год.
У апошнія гады галоўным чынам дзякуючы пашырэнню колькасці бёдуотчараў і папулярнасці назіранняў за птушкамі штогод у Беларусі адзначаюцца па 2-3 новых віды.
Так, у мінулым годзе ў склад нашай арнітафауны трапілі горны свірстун (горный конек)  Anthus spinoletta, паўночная мармытуля (северная бормотушка) Hippolais caligata, паўночная олуша (северная олуша) Morus bassanus (Sula bassana).
А ў 2009 годзе дадаліся сібірская гага (сибирская гага) (Polysticta (Somateria) stelleri), сокал-балабан (сокол-балобан) (Falco cherrug), горная пліска (горная трясогузка) (Motacilla cinerea) і малы баклан (малый баклан) (Phalacrocorax pygmeus).
Паведамленне пра ўнікальнае назіранне трапіла да нас дзякуючы рассылцы СМС-паведамленняў пра цікавыя сустрэчы птушак Клуба200 АПБ.

Дзьмітры Вінчэўскі для www.birdwatch.by
Здымак пярэстаносай крычкі з www.natur-lexikon.com


На гэтую тэму:
В Беларуси 320 видов птиц. Протокол заседания БОФК от 12 января 2011 г.

Увага! Паўночная олуша ў Беларусі! (+відэа)

Знаёмцеся, паўночная мармытуля (Iduna caligata) + video

Новый вид птиц для Беларуси «видели» только спутники?

Состав орнитофауны Беларуси официально пополнился

У Спісе птушак Польшчы па-ранейшаму 450 відаў


 

Comments

Только чтобы избежать путаницы и для точности: рыбхоз уже 2 года носит название "Днепробугский". А мы не так давно с Денисом думали, какой вид следующий? Никогда не угадаешь...

Вось тут можна паглядзець некалькі здымкаў 2 птушак Віктара Фянчука, зробленых праз трубу: http://www.ptushki.org/info/press/item/6296.html

Матэўш Матысяк з www.birdwatching.pl напісаў мне, што ў Польшчы ў апошнія дні назіраецца налёт пестраносых крычак.

Цікава, што паводле Томаша Кулакоўскага з www.avestom.pl , 15 мая 2 птушкі былі адзначаныя на вадасховішчы Семянувка пры мяжы з Беларуссю. Можа гэты тыя ж птушкі?

aistok, дзякуй за ўдакладненне.

Был вчера на рыбхозе Днепробугском. Надеялся увидеть новый для Беларуси вид ;-) Увы, господа, его уже там нет! ))) Зато отлично провел время и наблюдал за стаями чернозобиков, серых гусей и лебедей. Приятно был удивлен, обнаружив круглоносого плавунчика на водоеме. Этот вид не видел уже несколько лет.