“Птушкі Беларусі” перамаглі ў Польшчы

Жыхар Скідаля (Гарадзеншчына) Валянцін Музыка заваяваў гран-пры на міжнароднай філатэлістычнай выставе “Дэбюты”, што адбылася на мінулым тыдні ў польскім горадзе Кашалін.
Валянцін атрымаў сваю ўзнагароду за калекцыю “Птушкі, што гняздуюць у Беларусі”.

Распавядае Старшыня Гродзенскага абласнога таварыства філатэлістаў і сябра АПБ Фрыдэрык Гушча:
-Упершыню за гады існавання выставы гран-пры прыехаў у Беларусь.
Вялянцін Музыка ўжо першакурснік нашага гарадзенскага ўніверсітэта, а філатэліяй займаецца з дзяцінства.
У падобных выставах мы ўдзельнічаем ўжо 4 раз.
Аднак такую колькасць медалёў прывезлі ў Беларусь упершыню: 2 вялікіх срэбных, 1 срэбны, 2 пасярэбраных медалі.

Віншуем землякоў!
 

Паводле www.t-styl.info 
Здымак з філатэлістычнай выставы Дзьмітрыя Вінчэўскага