Поўгадзіны з зімародкам. Частка другая

Першая частка ТУТ, трэцяя - ТУТ.

Калі самец зімародка (Alcedo atthis) пачаў пералятаць у вусці Гараднічанкі з прысады на прысаду, прыкладна за поўгадзіны ён зрабіў 5 ці 6 атак з іх і за гэты час злавіў 2 здабычы - адна нечая празрыстая лічынка, другой стала рыбка - абедве ён з'еў і толькі потым паляцеў уверх па плыні.

Атрымалася заўважыць 3 рэчы, на якія я раней або не звяртаў увагу або, хутчэй за ўсё, не бачыў:

у зімародка ёсць "барада" - светлы ўчастак пер'я пад дзюбай, які ён можа `падымаць` і яго становіцца добра бачна;

у зімародка есць падобнае белае пер'е прыкладна над вушнымі адтулінамі, якое птушка таксама можа падымаць - з чым  звязана яго дэманстрацыя, я так і не зразумеў - можа з нейкім своеасаблівым настроем птушкі? - гэта бачна на здымках ніжэй

зімародак выцягваўся амаль у струну і глядзеў так уверх на нешта такое, чаго я не заўважыў,

Можа нехта пазнаў - што за лічынка ў зімародка на апошнім здымку?

28-09-2020, Гараднічанка ў Гродна

Аўтар - Дзьмітры Вінчэўскі

__________________________-

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.