Неандэртальцы ўпрыгожвалі сябе пёрамі

Паводле апошняга адкрыцця італьянскіх антраполагаў, якія даследавалі разнастайныя парэшткі ў пячоры Fumane (Вэрона, Італія), неандэртальцы (Homo neanderthalensis) выкарыстоўвалі птушынае пер’е ў якасці ўпрыгожванняў. Нашыя крэўныя жылі ў гэтай частцы Апэнінскага паўвострава прыкладна 44 тысячы гадоў таму. У гротах і пячорах, якія яны выкарыстоўвалі, навукоўцы знайшлі 660 костак ад 22 відаў птушак.

На некаторых костках крылаў былі выразныя надрэзы або драпіны, якія кажуць пра тое, што з крылаў гэтых птушак спецыяльна даставалі доўгія махавыя.
Такім чынам атрымліваецца, што неандэртальцы ўпрыгожвалі сябе пёрамі барадача (Gypaetus barbatus), чорнага грыфа (Aegypius monachus), арла-маркута (Aquila chrysaetus). Іншыя віды птушак, косткі якіх знойдзены сярод парэшткаў, гэта між іншым сокал-шулёнак (Falco vespertinus), вялікі голуб (Columba palumbus) i драч (Crex crex). Антраполагі выключаюць магчымасць выкарыстання гэтых птушак для ежы, таксама як і выкарыстанне атрыманых пёраў для паляпшэння канструкцыі стрэлаў.

Такім чынам застаецца толькі магчымасць модных упрыгожванняў? Аднак гэтае сцвярджэнне аспрэчваецца многімі іншымі навукоўцамі.

Артыкул пра незвычайнае адкрыццё з’явіўся ў часопісе "Proceedings of the National Academy of Sciences".

Рэканструкцыя выгляду неандэртальца з www.bbc.news.co.uk
Паводле www.kopalniawiedzy.pl праз www.birdwatching.pl падрыхтаваў Дзьмітры Вінчэўскі для www.birdwatch.by