Шэрыя лескі: незаўважная сям'я. Частка І

Паблізу таго месца, дзе я здымаў актыўныя 'спевы'  самца шэрай лескі (Sylvia communis), даволі раптоўна я заўважыў павялічаную актыўнасць самкі. Яна пералятала паміж раслінамі рознай вышыні на беразе ракі, заваленым валунамі і камянямі і збірала насякомых. Кожны такі паспяховы пералёт заканчваўся ў тым самым месцы ў аснавання вялікага 'куста'  конскага шчаўя.

І я ўжо думаў, што там знаходзіцца гняздо, куды і носіць птушанятам ежу самка лескі, калі праз некалькі хвілін назіранняў аказалася, што там сядзіць як мінімум двое злёткаў. Яны і жвава праглыналі ўсіх тых насякомых, якіх туды прыносіла мама. Птушаняты нікуды не пераляталі, але ў наступныя дні гэта змянілася.

02-03.07.2022, Гродна

Працяг гісторыі ТУТ.

Аўтар - Дзьмітры Вінчэўскі