У 5-м аглядзе Картатэкі рэдкіх птушак падведзены вынікі назіранняў у Польшчы ў 2022-м годзе 42 рэдкіх відаў, якія не гняздуюць у краіне і рэгістрацыі якіх больш не патрабуюць разгляду і зацверджання Фауністычнай камісіі.

18 снежня 2024 году адбылося чарговае паседжанне Беларускай арніта-фауністычнай камісіі (БАФК), на якім разглядаліся рэгістрацыі рэдкіх відаў птушак за 2023 і 2024 гады, якія ўваходзяць у спіс БАФК.  

На прыканцы мінулага году, 7 снежня 2024-га, адбылося другое для Паўднёвай Амерыкі назіранне дзеркача. Птушку назіралі двое бразільскіх бёрдэраў на востраве Fernando de Noronha, які належыць Бразіліі і знаходзіцца ў 350 км ад узбярэжжа кантыненту ў Атлантычным акіяне.

Фауністычная камісія арніталагічнай секцыі Польскага заалагічнага таварыства вырашыла выдаліць тры віды са Спісу птушак Польшчы. Гэта малая чачотка, попельная чачотка і шэры жаўрук.

Прыродаахоўная арганізацыя Natural England абвесціла пра пачатак новага праекту па вывучэнні шляхоў міграцыі і месцаў гнездавання стучкоў, якія зімуюць у Вялікабрытаніі. Для гэтага ўпершыню выкарыстоўваюць мініятурныя GPS логеры і ўжо атрыманы першыя цікавыя вынікі.

Звалкі нашага смецця выдатна і прадказальна забяспечваюць ежай многія віды птушак. Эканомія энергіі і часу на пошукі ежы, якія адбываюцца дзякуючы гэтаму, маюць пазітыўны эфект на распаўсюджванні і рэпрадуктыўных паказчыках асобін з падобных папуляцый. Тым не менш, гэта павялічвае колькасць канфліктаў паміж дзікімі жывёламі і чалавекам.

Віншуем усіх нашых карыстальнікаў з Новым, 2025-м годам і зычым цікавых назіранняў, новых відаў і яркіх уражанняў.

Самка лайсанскага альбатроса па мянушцы Wisdom (Мудрасць), якой не менш 74 гадоў, напрыканцы лістапада не толькі зноў вярнулася ў ціхаакіянскі Midway Atoll National Wildlife Refuge, які знаходзіцца на паўночны захад ад Гавайскага архіпелага, але і знайшла там сабе новага самца.

Дзякуючы выкарыстанню самага маленькага спадарожнікавага перадатчыка, які існуе, атрымалася адкрыць невядомае дагэтуль месца гнездавання адной з самых рэдкіх птушак у Свеце - куліка-лапатня. Ён мае статус віда, якому крытычна пагражае знікненне (Critically Endangered). 

У Свеце існуе мноства рэабілітацыйных цэнтраў, якія, між іншым, прымаюць драпежных птушак і займаюцца іх лекаваннем і аднаўленнем. Аднак рэабілітацыя птушак з разнастайнымі праблемамі - гэта праца- і грошаёмкі працэс. Таму хаця спробы ратавання параненых ці пашкоджаных іншым чынам дзікіх птушак і іншых жывёл звычайна не абмяркоўваюцца з маральнага пункту гледжання, эфектыўнасць падобных дзеянняў для прыроды застаецца збольшага невядомай. І лёс большасці дзікіх жывёл пасля рэабілітацыі і выпуска іх у прыроду больш не адсочваецца.

Кожныя 10 гадоў у Свеце адбываюцца чарговыя Міжнародныя ўлікі белага бусла на ўсёй тэрыторыі гнездавання віду: ад Паўночнай Афрыкі і Іберыйскага паўвострава да еўрапейскай часткі Расіі і невялікай азіяцкай папуляцыі. Паводле папярэдніх дадзеных сёлетніх улікаў, у параўнанні з мінулымі, якія адбыліся ў 2014 годзе, у Польшчы колькасць гняздуючых пар зменшылася ажно на 10%.

Ацэнку памеру папуляцыі цецярука ў Паўночна-Падляскай нізіне (Nizinie Północnopodlaskiej) (Паўночна-Усходняя Польшча) праводзілі на аснове падлікаў самцоў пад час такавання. Агулам, на працягу 18 гадоў, паміж 2006-09 і 2023 гг, іх колькасць тут зменшылася на 98%.

Толькі праз 17 гадоў пасля яго пачатку скончыўся арыгінальны эксперымент з удзелам дзікіх амерыканскіх варон. Менавіта столькі часу прайшло пакуль адлоўленыя - і такім чынам ‘пакрыўджаныя’ - птушкі адпаведна негатыўна рэагавалі на чалавека, які гэта зрабіў.

На сайце Komisji Faunistycznej апублікаваны чарговы гадавы агляд паведамленняў пра назіранні рэдкіх відаў птушак у Польшчы за мінулы, 2023 год. Усяго было пазітыўна разгледжана 225 назіранняў рэдкіх відаў, якія адносіліся да 72 відаў і падвідаў.