Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вялікая белая чапля: Рыбка за 5 хвілін

вялікая белая чапля

Пасля таго, як усе чаплі былі вымушаны адляцець з вострава і касы перад ім, адна з вялікіх белых чапляў (Egretta alba) прызямлілася (ці хутчэй прываднілася) ля берагу трошкі ніжэй упадзення Гараднічанкі ў Нёман. Даволі моцны паток вады з невялікай Гараднічанкі адціскае паток вады ў Нёмане амаль пад супрацьлеглы бераг. Нёманская вада там, змешваючыся з гараднічанскай, прыспешвае, і адразу каля берага там параўнальна глыбока.

Хаця вечар толькі пачынаўся, чапля яўна вырашыла падмацавацца перад сном і павольна йшла каля самага берагу супраць моцнай плыні вады, выглядваючы магчымую здабычу. Там, дзе плынь была замоцная каб крочыць па дну ўпэўнена, або было заглыбока, прыходзілася выходзіць на бераг і праціскацца сярод высокай прыбярэднай расліннасці, але не забываць назіраць за вадой ніжэй. Нават калі і заўважыць патэнцыйную здабычу з берагу, схапіць яе ў вадзе было б цяжка, таму прыйшлося ізноў спускацца ў Нёман. І тут пашанцавала - хуткі выпад і ёсць невялікая рыбка ў дзюбе!

А ад моманту прываднення да вячэры прайшло ўсяго 5 хвілін.

Нёман у Гродна, 21-09-2022

Аўтар - Дзьмітры Вінчэўскі

Каментары