Пасля таго, як зелянушкі і канаплянкі знайшлі толькі адно месца са спелым насеннем на крутым схіле каля Нёмана, было ўжо толькі справай часу, калі туды ж прыляцяць есці гэтае насенне вяронікі і іншыя амаль выключна насеннеядныя птушкі. А менавіта - еўрапейскія ўюркі (Serinus serinus).
Усяго там было 3 ўюрка, хутчэй за ўсё самец і дзве самкі. Харачаваліся яны насеннем каля 10 хвілін, а потым адляцелі па сваіх іншых справах:
Цікава, як выдатна іх маскіруе здавалася б параўнальна яркая афарбоўка. Пасля таго, як апусціш камеру каб пераставіць на іншы рэжым здымак, было вельмі цяжка знайсці ўюркоў ізноў, хаця прыкладна былі вядомы 1-2 квадратных метры дзе яны харчаваліся сярод расліннасці.
Гродна, 30-04-2021
Аўтар - Дзьмітры Вінчэўскі
__________________________
Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.
- Увайдзіце ці зарэгіструйцеся каб пакідаць каментары.
КАМЕНТАРЫ