Нашы назіранні

Апошняя ноч на гняздзе

14 жніўня стаў сведкам не зусім звычайных падзей, якія адбыліся з гняздом белых буслоў у Пінскім раёне. Ужо ў сярэдзіне ліпеня маладыя птушкі (якіх старанныя дарослыя буслы змаглі выгадаваць ажно 5) пачалі спрабаваць крыло, і неўзабаве да канца месяца пакінулі свой "дом". Як звычайна пасля гэтага на гняздо толькі прыляталі начаваць бацькі. Так працягвалася амаль два тыдні.
Але аднойчы ўвечары, ўжо ў прыцемках да гнязда завіталі не толькі два дарослыя буслы, але і яшчэ каля 20 іншых! Яны расселіся побач з гняздом - на вялізнай ёлке, слупах і дахах дамоў.

Было падобна на тое, што яны вырашылі тут начаваць, але таксама здавалася, быццам яны нечага чакаюць. І неўзабаве нейкае прадстаўленне на самой справе пачалося. Не ведаю дакладна на сто адсоткаў, якія птушкі ўдзельнічалі ў ім, таму што было цёмна, але прынамсі мне падаецца больш імавернай такая версія: 
На гняздо да дарослых буслоў падляцела маладая птушка (напэўна іх дзіця) і пачала іх праганяць, пры гэтым моцна цокая дзюбай.

Спачатку адну птушку...

Потым другую...

Як балотныя чаротаўкі Птушку году выкармілі

 У самым пачатку чэрвеня каля былой вёскі Астравок (якая цяпер уваходзіць у межы Гродна) у зарасніках крапівы і іншай пустырнай расліннасці я знайшоў гняздо балотнай чаротаўкі.

З першага погляду на яго стала зразумела, што не ўсе яйкі ў гняздзе належаць яго гаспадарам:

Яйка зязюлі вылучалася не столькі афарбоўкай, як памерамі.

Зразумела, што такая ўдача не засталася па-за маёй увагай і я вырашыў задакументаваць самыя важныя моманты з жыцця Птушкі 2014 году ад яе вылуплення да вылету. На шчасце, мае планы цалкам ажыццявіліся!

Аднак пасля таго, як над нашым горадам прайшоў ураган з дажджом, маё наведванне ўнікальнага гнязда мела вырашальнае значэнне для выжывання будучага зязюльчыня. І хаця гняздо было моцна нахілена (разам з крапівой, якая палягла), яйкі былі яшчэ ў ім. Прыйшлося заняцца іх ратаваннем – я выраўняў нахіленыя сцябліны, падпёр гняздо быльняком і звязаў зверху крапіву, ў якую былі ўплеценыя края гнязда. 

Як аказалася, гэта дазволіла вытрымаць гнязду і наступныя выпрабаванні - памерамі адзінага пазасталага ў ім птушаня.

Наблюдения за...

Наелась желудей досыта, до отвала;
Наевшись, выспалась под ним;

Потом, глаза продравши, встала
И рылом подрывать у Дуба корни стала.

Птушкі аднаго гнязда. Якія?

Гэтым годам птушкі парадавалі нашу сядзібу. Тут і круцігалоўкі, і сачанкі, і садовыя лескі, і стрынаткі, і берасьцянкі, ведама, ластаўкі, шпакі, верабейкі, белыя пліскі і магчыма штосьці яшчэ. Шпакоў у шпакоўнях - дзьве сям'і, у дуплах старых яблыняў - цяжка пералічыць. Круцігалоўкі пасьпяхова вывелі сям'ю і сьледам за шпакамі пакінулі сядзібу.

Шпакі перад адлётам шчэ прыляцяць, каб парадавваць нас развітальнымі сьпевамі. Робяць яны гэта штогод. Вельмі кранальныя сьпевы...

Круцігаловак можна сустрэць за межамі сядзібы восеньню - толькі ці нашы яны? Нашы спадзяемся вернуцца наступным годам. Цікава, што з прылётам круцігаловак. Пакінулі сад сінічкі. 

300 м за межамі сядзібы аблюбавалі месца, як кажуць ў нас "мышатнікі". Часьцей за ўсё іх называць канюкамі, падкрэсьлю, не канюхамі. Частку здымкаў мышатнікаў я памяшчаў у Галярэі, што вызвала іх розныя вызначэньні. Я - назіральнік, і эмоцыі многіх т.з. арнітолагаў мне цяжка зразумець. Пакінем іх сам на сам са сваімі эмоцыямі...

Паколькі арніталогія навука дакладная, хацелася б мець больш пэўнае меркаваньне: Хто яны гэтыя мышатнікі?

Тут прыведзена 8 здымкаў зробленых 9 і 10 ліпеня 2014 г. Яны даюць уяўленьне аб біятопе, абраным сямействам, і аб членах сямейства. Вам застаецца вызначыць: Чыё гэта сямейства? 

У пошуках чырвонагаловага грычуна

5 ліпеня 2014.

Блужанскі с/с, Пухаўшчына.

Гэты год багаты грычунамі і стрынаткамі. Сярод першых цікава было б адшукаць чырвонагаловага. Ці сустракаецца ён на Міншчыне? 

Дапамажыце з вызначэннем птушак

4 ліпеня 2014. Блужанскі с/с, Пухаўшчына.

Ля 6 птушак разьмясьцілася на верхавіне дуба, пакінутага на месцы былога выруба. Цяпер тут 7-8 гадовы падлесак.

Наўкол - хваёвыя і зьмешаныя лясы. Просьба дапамагчы зь ідэнцыяй.  

Малады арлан-белахвост пад час кальцавання

 На ўскрайку аднаго з балот на Віцебшчыне быў паспяхова акальцаваны падрослы арлан-белахвост.

Фота Валерыя Кавалёнка:

Вывадак вялікіх савукоў на Нёмане = Brood of Goosander at Nioman river + VIDEO

Не часта атрымліваецца ўбачыць вывадак вялікіх савукоў. Сёння мне пашчасціла гэта зрабіць на Нёмане ў межах гораду. З часу першай сустрэчы мінула прыкладна 4,5 гадзіны. За гэты час самка з 8 птушанятамі змаглі праплыць уверх па плыні каля 3 км і спыніліся на каменнях у вялікага вострава на адпачынак і чыстку пер'я:

здымкі і відэа зроблены праз трубу = digiscoping

Паляванне малага арляца пешкі = Hunting of LS Eagle by walking + VIDEO

 Напэўна многім пашчасціла назіраць, як малы арлец палюе, ходзячы па зямлі.

Хутчэй за ўсё так можна без асаблівых цяжкасцяў злапаць амфібій.

Я таксама назіраў гэты тып палявання некалькі разоў, але сфатаграфаваць і зняць гэта на відэа атрымалася ўпершыню.

Мы пад'ехалі на параўнальна блізкую адлегласць да птушкі, якая ўжо палявала такім чынам на поле шматгадовай травы паміж вв.Масткі і Перасельцы на Гарадзеншчыне:

Шарик