Не так даўно я паказваў даволі дзіўныя гнёзды сініц, але гэтае, зробленае вялікімі сініцамі (Parus major) у вентыляцыйнай (?) адтуліне, здзівіла мяне найбольш. Па-першае, птушкі зрабілі яго ў доме, у якім я жыву) Па другое, яно знаходзіцца на вышыні каля 30 см ад зямлі і ўсяго ў трох мерах ад уваходных дзвярэй. І па трэцяе, хаця апошнія дні птушаняты ў ім амаль без перапынку просяць есці і гэта чуваць з некалькіх метраў, а абцькі з пераважна дробнай 'здабычай' залятаюць да іх прыкладна штохвіліну, пакуль што мясцовыя коцікі не праявілі сябе з кепскага боку. І няхай так і застанецца і да вылету птушанят, і пасля яго.
Гродна, 24-05-2026
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
КАМЕНТАРЫ