Існуюць сур’ёзныя апасенні, пацверджаныя доўгатэрміновымі палявымі даследаваннямі, што падвід цёмнага спяваючага шуляка (Melierax metabates theresae), раней распаўсюджаны ў Марока, цалкам знік. Іншыя падвіды пакуль што маюць стабільную колькасць і cустракаюцца на большай частцы тэрыторыі Афрыкі на поўдзень ад Сахары.
Вядомы толькі па сустрэчах з Марока, пасля рэзкага змяншэння арэалу ў сярэдзіне мінулага стагоддзя, гэты шуляк не назіраўся з 2007 году. Раней від сустракаўся там у арганавых лясах (argan forests) у даліне Souss і ў навакольных мясцінах Анці-Атласа пасля таго, як яго арэал значна зменшыўся ў сярэдзіне мінулага стагоддзя.
Знікненне падвіда theresae, прадстаўнікі якога мелі меншыя памеры і былі больш цёмна афарбаваныя за намінатыўны падвід, вельмі сумнае само па сабе, у выніку прывяло да знікнення цёмнага спяаючага шуляа як віда ў Заходняй Палеарктыцы – нідзе больш гэты від ў нашым зоагеаграфічным рэгіёне не сустракаўся.
Паводле вядомых публікацый, гэты від драпежных птушак ніколі не быў шматлікім у Марока, але да пачатку 1980-х гадоў памер папуляцыі ў гэтай краіне зменшыўся да некалькіх пар. Перадапошні даказаны выпадак гнездавання быў ў 1979 годзе, калі гняздо з птушанятамі было знойдзена на старым аліўкавым дрэве. А апошнім стала назіранне неполаваспелай птушкі ў 1999 годзе ў даліне Souss. У нашым стагоддзі вядомы толькі тры выпадкі рэгістрацыі шулякоў, яны адбыліся ў 2000, 2006 і 2007 гг..
Працяглыя і пільныя пошукі птушак у апошняе дзесяцігоддзе не далі пазітыўных вынікаў і арнітолагі лічаць, што падвід theresae, на жаль знік.
Крыніцы: Garrido López, JR, Numa, C & Violeta, B. 2021. The conservation status and distribution of the breeding birds of prey of North Africa. Monographic Series: IUCN Red List of Threatened Species - Regional Assessment.
Bergier, P, Thévenot, M, Qninba, A & Houllier, JR. 2022. Birds of Morocco / Oiseaux du Maroc. Societé d'Etudes Ornithologiques de France.
Паводле www.birdguides.com падрыхтаваў Дзьмітры Вінчэўскі
Здымак з https://cdn.download.ams.birds.cornell.edu
На гэтую тэму:
Упершыню з 1850-х у Еўропе афіцыйна прызналі знікненне яшчэ аднаго віду птушак
Сучасны стан арнітафауны Еўропы і змены ў ім за апошнія 25-30 гадоў
Зніклы кулік-крывок з Канарскіх астравоў не быў асобным відам
Знойдзены невядомы від гіля, вынішчаны чалавекам на Азорах
На Зямлі афіцыйна зніклі яшчэ 13 відаў птушак
Крызіс знікненняў паглыбляецца
- Увайдзіце ці зарэгіструйцеся каб пакідаць каментары.
КАМЕНТАРЫ