Сокал-пустальга LIVE-2022: Брэст, Беларусь ::: Kestrels’ nests LIVE-2022: Brest, Belarus 13-ы сезон :: 13th season

На першым гняздзе да абеду птушаняты стараліся самі разадраць і з'есці грызуноў, а пасля абеду самка ўсё ж вырашыла ім дапамагаць і карміць як і раней.

Тады птушаняты ізноў стараліся вырываць у яе здабычу ці яе рэшткі і праглынаць іх адразу, што не заўсёды атрымлівалася)

Самцы часам прыходзілася сілай адбіраць і дзяліць тое, што яна экспрапрыіравала ў экспрапрыятараў.

Уначы замёрз самы маленькі, 5-ы малы на другім гняздзе. На працягу дня яго затапталі ў жвір.

З самага ранку самка прынесла на гняздо хутчэй за ўсё маладога шпака без галавы. Птушаняты ўвесь дзень былі галодныя, а зранку нават 'ганялі' самку па нішы - так напіралі на яе, што яна была вымушаная перакладваць шпака некалькі разоў у новае месца. Самка нават прапнавала птушанятам ногі шпака і яны доўга дуўыліся каб іх праглынуць. У аднаго атрымалася, у другога не і самка забрала тую ногу і праглынула яе сама.

Усяго самка адлятала на паляванне 9 разоў на працягу дня і потым прыносіла палёвак ці іх недаедзеныя часткі. Птушаняты хутка растуць і добра заўважныя старэйшыя і малодшыя, старэйшым дастаецца больш ежы, але з-за таго, што самка вымушаная перакладваць ежу з-за напору птушанят, часам малодшыя апынаюцца ў больш выгаднай пазіцыі і атрымліваюць частку здабычы.

Уначы, відаць, было халодна, бо на першым гняздзе самка шмат часу сядзела з птушанятамі. Але ж раз-пораз мяняла пазіцыю на больш звыклую "выглядаю з нішы". Аднаго разу змена пазіцыі імаверна суправаджалася раптоўным гукам, бо адно з птушанятаў усхапілася і прыняла позу "Я-Вялікае-і-Страшнае-Бойцеся-Мяне-Невядомыя-Паўночныя-Пачвары".

Самы маленечкі из 2 гнезда всё. Сдался...(((

На першым гняздзе сёння таксама было холадна з-за ветру, таму птушаняты стараліся хутка абступаць бацькоў з ежай максімальна хутка і ўсе 5, а не як у мінулыя дні паступова па 1-2. Ну і крык, што яны галодныя, стаяў пастаянна як толькі бацькі былі ў нішы)

Птушаняты спрабуюць разрываць грызуноў і самастойна, але і самец, і самка стараюцца карміць іх (калі даюць рады адабраць здабычу ці яе рэшткі ад малых назад).

Сёння холадна - асабліва з-за моцнага ветру і стала яўна бачная праблема забеспячэння ежай ўсіх птушанят на другім гняздзе.

Самка з ранку адлятала на паляваннее мін 11 разоў, часам яе не было больш гадзіны, а прыносіла яна часцей за ўсё маленькіх палёвак ці іх часткі -рэшту таго, што не з'ела сама (ёй таксама ж трэба есці).

Птушаняты яшчэ замалыя, каб самастойна падтрымліваць сваю тэмпературу калі холадна. Таму яўна мёрзлі і сядзелі ўсе разам, штораз былі галодныя і не толькі пастаянна стараліся быць бліжэй да самкі калі яна голасам паведамляла, што прыйшў час есці, але і перамяшчаліся за ёй па палове нішы і прыцягвалі яе ўвагу як маглі.

Самым малодшым гэта не вельмі дапамагло - самка карміла амаль толькі старэйшых. Таму малодшыя крычалі і калі самкі не было і старэйшыя дзюбалі іх, каб супакоіць.

Толькі ненадоўга ўвечары самка пасядзела з птушанятамі, прыкрываючы іх ад ветра, і зноў паляцела паляваць - за ежай для ўсіх.

Подскажите пожалуйста, теоритически, самец из 2 гнезда, где самка одна, может вернуться, совесть в нём проснётся и он вспомнит про 2 самку? Природа конечно интересная, но наблюдать, как циплёнок не кушает тяжело. Хотя когда корма много было им еа перепадала. Может всё таки они все 5 выживут и станут красивыми соколами.

2Alla Geurten

Думаю, што Вы няправільна разумееце сытуацыю. Для самкі з другога гнязда стаіць пытанне "карміць усіх патрошкі ці карміць максімальна старэйшых птушанят".

А гэта значыць наступнае: калі карміць усіх патрошкі, бо больш у самкі ў гэтых абставінах не атрымліваецца, то хутчэй за ўсё перастануць расці і развівацца ЎСЕ птушаняты і таму могуць загінуць УСЕ. Вось гэта і была бы для самкі трагедыя - патраціць увесь сезон і столькі энергіі і не атрымаць патомкаў.

З часу, калі яна пачала адкладваць яйкі, яна вырашала як іх наседжваць і вырашыла, што правільна з першага яйка, таму першы і вылупіўся сам, а потым другі і трэці. Гэта значыць, што магчымасць хуткай рэдукцыі вывадка (так гэта называецца) была закладзена з самага пачатку інкубацыі. І яна дае магчымасць выкарміць самых старэйшых (1, 2, 3 ці 4 залежыць ад абставін), але для гэтага калі ежы яўна не хапае для ўсіх, варта абмежаваць ці ўвогуле не кармціь 1, 2 ці 3 самых малодшых.

Самка - у адрозненне ад нас - найлепш разумее і адчувае сытуацыю і прымае адпаведныя ёй рашэнні. Будзе больш ежы - зможа карміць усіх, не будзе - малым прыдзецца загінуць, каб выляцелі з гнязда хаця б старэйшыя.

Падрабязней пра ўсё гэта тут:

Гнездаванне сокала-пустальгі: што, як і чаму адбываецца на нашых вачах LIVE

i v 17.53

14.15

трагедия повторяется во втором гнезде... малышеку ничего из еды не достаётся, мамочка кормит старших...

Вяртацца бацькам са здабычай на першае гняздо ўсё больш небяспечна) - птушаняты стараюцца адразу выхапіць ежу.

І хаця самка працягвае старацца разараваць і падзяліць усё, самец часам разрывае, а часам аддае палёўку і адлятае.

Птушаняты на другім гняздзе таксама хутка растуць, днём цёпла, таму самка іх, акармя як уначы і з самага ранку, не грэе і сёння адлятала 11 раз на паляванне. Кожна раз вярталася з палёўкай, акрамя аднаго разу, калі вярнулася мокрая і пустая.

Птушаняты калі холадна прытуляюцца адзін да аднаго і грэюцца так, а калі цёпла -  ужо памалу распаўзаюцца на невялікую адлегласць і ляжаць асобна.

Розніца ў памерах застаецца добра бачнай і самка, не гледзячы на актыўнасць усіх малых, пераважна корміць старэйшага і старэйшых, што яшчэ больш прыводзіць да фізічных адрозненняў паміж птушанятамі.

На першым гняздзе самка стараецца застацца дэлікатнай, але калі птушаняты адразу ці пад час падзелу палёвак вырываюць іх - аддае, бо могуць так бараніцца, што што-небудзь пашкодзяць. А потым шукае хто забраў палёўку сабе і забірае яе назад або хітрасцю, або часам і сілай і потым корміць малых, разрываючы здабычу на кавалкі.

Самец сёння таксама не адважыўся адразу забраць прынесеную палёўку ў птушанят, але праз некалькі хвілін вярнуўся, забраў і падзяліў.

Сёння самка з другога гнязда паставіла рэкорд: мін 9 разоў лятала паляваць і штораз вярталася з палёўкамі рознага памеру.

Выдатна, што надвор'е стаіць гарачае і абаграваць птушанят ёй не трэба. Ды яны і самыя распаўзаюцца адзін ад аднаго каб не перагравацца.

Моя 7-летняя дочка очень интересуется, а как вы по колечку на лапке будете отслеживать потом птичек? И... спасибо вам огромное за вашу работу, за заботу о пернатых и за то, что мы имеем возможность подсмотреть за развитием соколят от начала и до вылета! Дочка смотрит не тик-ток, а ваших соколят. И даже разорванная мышь ее не пугает! )))

Это выпавший птенец остался без кольца на ноге?

З самага ранку першую невялічкую палёўку, якую прынесла на першае гняздо самка, адзін з птушанят хутка вырваў і стаў праглынаць. Самка не паверыла, што гэта магчыма і пакуль ён 3 хвіліны давіўся той палёўкай, усё шукала яе знізу паміж птушанят. Сіблінгі ж "стараліся дапамагчы" і вырваць здабычу з дзюбы, але ў рэшце рэшт яна была праглочана)

Самец жа зранку прынёс вялікую палёўку і калі птушаняты вырвалі яе, не засумаваў і адляцеў. Тая палёўка потым доўга валялася. Час ад часу то адзін, то другі малы цікавіліся ёй і адзін нават спрабаваў адарваць ад яе кавалкі і нават пачало атрымлівацца. Але хутка замарыўся і кінуў гэта)

Самка ж не рызыкуе і таксама аддае грызуноў калі птушаняты іх вырываюць, але потым стараецца адабраць і разарваць, каб накарміць іх нармальна.

Хаця ўдзень ужо вельмі цёпла, зранку яшчэ холадна і самка на другім гняздзе стараецца прыкрываць сабой і грэць птушанят, хаця ім гэта ўжо не падабаецца і яны часам стараюцца вылезьці з пад яе.

Сёння яна мін 8 разоў адлятала паляваць і ў выніку прыносіла палёвак. Аднымі адразу карміла малых, іншых прыхоўвала пад камерай.

Увесь час думаю, як жа жывуць тыя пустальгі, якія робяць гнёзды на прыродзе? Там жа, напэўна, ані пабегаць, ані вольна раскапусьціцца ў позе дохлага курчаняці...