Вялікі баклан: сушыце крылы, а не вёслы

Шмат ўмеюць вялікія бакланы (Phalacrocorax carbo) - калектыўна рыбачыць, выкарыстоўваючы пад вадой не толькі зрок, але і слых, лавіць вялікую рыбу і нават паспяхова зімаваць у нас. Але пасля кожнай рыбалкі ім трэба высушыць крылы - бо інакш не змогуць паляцець у выпадку небяспекі.

А галоўная небяспека ў іх якая? Так, правільна - мы, людзі. Бо не могуць рыбу есці яшчэ і нейкія бакланы і чаплі калі мы таксама яе любім. Таму ніводны здаровы баклан (калі не на гняздзе) не падпусціць чалавека на блізкую адлегласць. Але гэты мяне не бачыў - я стаяў на высокім беразе Нёмана па-за полем яго зроку - так і атрымался паздымаць яго ў розных позах. 

На Нёмане ў межах заказніка "Гродзенская Свіслач" вясной і ўвосень яны могуць збірацца ў групы да паўтысячы птушак, зімой ніжэй па плыні застаецца да сотні, а летам іх бачна яшчэ ў меншай колькасці.

Нёман у Дарошавіч, 11-10-2019, Гарадзеншчына

Аўтар - Дзьмітры Вінчэўскі

https://youtu.be/OV17Hdqmx3I