In Memoriam: Сяргей АБРАМЧУК (1984-2010)

Жахлівая навіна, ў якую немагчыма паверыць і тым больш зразумець, прыйшла сёння, 21 верасня, з Брэста. Двухтыднёвую барацьбу з цяжкай хваробай прайграў наш сябар і таварыш, якога мы звалі па-беларуску Сяржук…

Сяргей нарадзіўся даволі далёка ад Беларусі – ў горадзе Джанкой на паўвостраве Крым. Сямья перабралася на Маларыччыну ў Беларусь, дзе дзякуючы сябрам і самаадукацыі Сяргей паступова стаў свядомым і шчырым беларусам. Акрамя гэтага яго захаплялі птушкі, вывучэнню і ахове якіх ён і прысвяціў сваё нядоўгае, але яркае жыццё. Сяржук яшчэ студэнтам геаграфічнага факультэту Брэсцкага ўніверсітэту стаў адным з сузаснавальнікаў Заходне-Палескага рэгіянальнага аддзялення грамадзкай арганізацыі “Ахова птушак Бацькаўшчыны”, ў працы і даследаваннях якога, накіраваных на вывучэнне і ахову багатай мясцовай авіфауны ён прымаў самы актыўны ўдзел разам са старэйшым братам Андрэем. У складзе ўжо легендарнай каманды “Peregrinus” ён чатыры разы станавіўся пераможцам адкрытых чэмпіянатаў па спартыўнай арніталогіі. На ўсіх семінарах і сустрэчах, у экспедыцыях і палявых летніках рэгіянальных лідэраў АПБ Сяржук удзельнічаў з мноствам сваіх ідэй і дапамагаў прыйсці да найлепшага магчымага рашэння або выніку. Ён быў знаўцам птушак рыбгасаў, па якіх рыхтаваў кандыдацкую дысертацыю. Ў міжнародных студэнцкіх летніках, у якіх ён прымаў самы актыўны ўдзел у Беларусі, Польшчы і Латвіі яго жарты і цікавыя гісторыі дапамагалі хутчэй пазнаеміцца ўдзельнікам і пасябраваць. Сяброў у яго засталося шмат, але яны на жаль, не змаглі дапамагчы ў самы адказны момант…

Пад час сваёй самай вялікай і апошняй выправы на птушак у Швецыю, ён з радасцю і непрыхаваным задавальненнем назіраў за ўжо вядомымі яму і зусім новымі відамі, якіх аказалася даволі шмат. Не змаглі мясцовыя сябры і калегі-бёдуотчары паказаць нам толькі аляпку. Сустрэча з гэтым відам так і застанецца адной са шматлікіх няздзейсненных мараў Сяржука...

Таксама ў Швецыі ён купіў добрыя заходнія вызначальнікі звяроў і амфібій з рэптыліямі. Ён збіраўся доўга жыць, ведаць і зрабіць нашмат больш, але чамусьці атрымалася інакш…
У яго мабільным тэлефоне для тых, хто чакаў размовы з Сяржуком, гучалі словы песні NRM . “Падымі мяне па-над зямлёю , падымі мяне….”

Светлая памяць!

Увайдзіце ці зарэгіструйцеся каб пакідаць каментары.

Comments

Kiolk - 21.09.2010 - 19:54

КАМЕНТАРЫ

CLUB200

АПОШНІЯ ФОТАЗДЫМКІ

In Memoriam: Сяргей АБРАМЧУК (1984-2010)

Comments