Хутка вучымся: палявая падкаменка і аса

Маладым птушкам трэба (хутка) вучыцца самастойнаму жыццю. Пра гэта я ўжо пісаў-паказваў фота-серыі ТУТ, ТУТ і ТУТ.

Цікавыя моманты ўзаемаадносін маладых птушак з насякомымі паказваў ТУТ.

А сёння назіраў за “сустрэчай” маладой палявой падкаменкі (Oenanthe oenanthe) з …асой.

Вядома, што небяспечныя для іншых жывёлы маюць яркую папярэджваючую афарбоўку і адпаведныя паводзіны, г.зн. не баяцца патэнцыйных ворагаў.

Я заўважыў асу, якая падляцела да падкаменкі, метраў з 15, наўрацці яе з 3-5 см не заўважыла падкаменка. Але знешне гэтага ніяк не паказала, тым больш не кінулася на яе каб з’есці. А была галодная,бо праз 2-3 хвіліны палявала на насякомых недалёка ад “месца сустрэчы”. Вось так быстра вучацца маладыя птушкі – ці то на сваім, ці то на чужым досведзе.

05-08-2019, Гродна

Аўтар – Дзьмітры Вінчэўскі