Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Рачныя крычкі: Не пралятайце міма!

Ну вось і выляцелі амаль самыя познія птушаняты сярод усіх нашых птушак.  Гэта - рачныя крычкі (Sterna hirundo). Назіраю за імі апошнія дні і ўжо атрымалася нешта ўбачыць і зразумець, але многае яшчэ не.

Хаця малыя ўжо добра лятаюць, аднак умець лятаць і ўмець лавіць рыбу з завісання - усё ж 'рэчы' рознага ўзроўню. Таму яны пералятаюць з прысады на прысаду на рацэ і вучацца прасіць ежу ў дарослых так, каб тыя пакармілі.

Раней, недзе на касе, дзе яны вывяліся і жылі першыя тыдні, было проста - бацькі самі прыляталі з рыбкай і нават запіхвалі ў рот - трэба было трошкі пакрычаць, што галодны.

Зараз жа бацькі павінны цябе знайсці сярод мноства іншых крычак і чаек на рацэ. Таму і крычаць прыходзіцца вельмі часта, прычым усім дарослым крычкам, якія пралятаюць побач - як у гэтай серыі. А часам і маладым, а часам і чайкам - раптам хто з іх пакорміць?

Але пра гэта яшчэ будзе.

Нёман у Гродна, 05-08-2020

Аўтар - Дзьмітры Вінчэўскі