Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Жаўрук-смяцюх: Калі ўсё добра

Хаця ў суседніх з намі Польшчы і Літве жаўрук-смяцюх (Galerida cristata) амаль знік, у некаторых частках Беларусі - гэта хаця і рэдкая, але заўважная птушка. Найперш зімой -калі збіраецца групкамі да трох дзесяткаў на ўзбочынах дарог і есць там насенне пустазельля і збірае гастраліты-каменьчыкі, каб тое насенне пераціраць.

Але і вясной гэтыя жаўрукі добра заўважныя там,дзе яны гняздуюць - а гэта, звычайна, таксама дарогі і ўскорайкі палёў каля фермаў і мехдвароў. Яны прыгожа спяваюць з прысады, часам і ў паветры, робячы 'свечкі', але, канешне, не завісаюць, спяваючы, над палямі як гэта робяць палявыя жаўрукі.

Ёсць і навокал Гродна некалькі месцаў,дзе можна паглядзець і паздымаць гэтых бясстрашных птушак - менавіта яны падпускаюць машыну на такую адлегласць, якую сабе не дазваляе ніхто іншы з нашых птушак.

Сёлета ў фермы пад Агароднікамі мы заўважылі не менш 5 розных смецюхоў, а адзін з іх не толькі папазіарваў на фоне свежаўзаранага поля, але і паспяваў з даху аднаго з будынкаў. Калі лагічна дапусціць, што самкі сядзяць на кладках або з яшчэ малымі птушанятамі, то гэта былі прадстаўнікі пяці розных пар, што не можа не радаваць.

https://youtu.be/DsHMEitdYc4

Ну і ні адзін з жаўрукоў не забываў паглядваць уверх, у неба - мясцовыя шулякі-карагольчыкі таксама жывуць паблізу і таксама хочуць кушаць.

26-04-2020, Гарадзеншчына

Аўтар - Дзьмітры Вінчэўскі