Самка вялікага савука зблізку

Каб здымаць вялікіх савукоў (Mergus merganser), мала блізкай адлегласці. Бо каб камера 'паказала' вока гэтых качак, патрэбна яшчэ і шмат святла, а па-простаму і зімой - каб выйшла сонца. Чым бліжэй да сакавіка, тым такіх сонечных дзён у лютым становіцца звычайна больш, і, значыць, больш магчымасцяў фатаграфаваць.

Самкі гэтага віда добра вядомыя  сваім шыкоўным чубам, ці нават грывай, які, як і ўсе чубатыя птушкі, могуць складваць-апускаць і раскладваць-падымаць вельмі па-рознаму.  Зразумела, што часам ім змяняць свой выгляд 'дапамагае' вецер, але нашмат хутчэй розная фрызура гэта, усё ж, вынік адпаведнага настрою самкі ў дадзены момант. Ну і дзякуючы асвятленню пад розным вуглом адценні і нават колеры галавы значна змяняюцца для нас: ад карычнева-шэрага да ярка-рудага.

У гэтай самкі невялікі ўчастак пер'я на галаве аказаўся вырваны. Як  і дзе гэта магло адбыцца, я паспрабую растлумачыць пазней, у адной з наступных фота-серый.

Нёман у Гродна, 22-02-2021

Аўтар - Дзьмітры Вінчэўскі

__________________________

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.