У Спісе птушак Беларусі афіцыйна стала 342 віды: пратакол паседжання БАФК ад 22.12.2022 + абноўлены спіс відаў БАФК

Напярэдадні новага году, 22 снежня 2022 года адбылося чарговае паседжанне Беларускай арніта-фауністычнай камісіі (БАФК), якая займаецца разглядам і зацверджаннем рэгістрацый новых і рэдкіх для нашай фауны відаў птушак. Дзякуючы сапраўды вялізарнай па маштабу падрыхтоўчай працы, былі разгледжаны не толькі рэгістрацыі новых для Беларусі відаў птушак, але і ўсе назіранні відаў з мінулых спісаў БАФК за 2017-2022 гады.

Такім чынам, у Спіс птушак Беларусі афіцыйна занесены:

 арлан-даўгахвост (Haliaeetus leucoryphus),

сiняхвостка (Tarsiger cyanurus),

таўстадзюбая пячураўка (Phylloscopus  szwarzi),

дэлавэрская чайка (Larus delawarensis)

i арол-шуляк (Aquila fasciata),

і цяпер у асноўнай частцы Спіса стала 342 віды птушак.

Быў зменены і спіс відаў, рэгістрацыі якіх патрабуюць разгляду камісіі перш, чым стаць навуковым фактам. Акрамя пяці вышэй пералічаных новых відаў, у спіс таксама дададзены звычайная гага і сіні сіваграк, а вось для чарналобага грычуна будуць разглядацца толькі рэгістрацыі гнездавання віда.

Адбыліся і змены ў персанальным складзе БАФК – у яе склад былi прыняты Наталья Карліонава і Андрэй Барадзін, прычым апошні стаў сакратаром камісіі замест Ірыны Самусенка.

Партрэт арлана-даўгахвоста (Haliaeetus leucoryphus) Дзьмітрыя Якубовіча

На гэтую тэму:

Новы для Беларусі від птушак, арлан-даўгахвост, адзначаны пад Мінскам!

Сіняхвостка – доўгачаканы новы від птушак, адзначаны для Беларусі

Трэці сёлета новы для Беларусі від птушак, таўстадзюбая пячураўка, адлоўлены на поўначы краіны

Дэлавэрскую чайку, новы від для Беларусі і Украіны, ‘бачылі’ у нас толькі спадарожнікі

Арол-шуляк: адкладзеная сенсацыя пра залёт новага для Беларусі віда птушак

В Списке птиц Беларуси теперь 337 видов: протокол заседания БОФК от 11.03.2021 и обновленный список птиц БОФК

Яшчэ не скончыўся нават жнівень, а ‘Рэгістрацыя 2021 году’ ужо адбылася

Изменения в орнитофауне Беларуси за 2000-2016 годы