Адным з самых знакамітых прыкладаў пастаянства ў выбары партнёра сярод птушак ёсць пара белых буслоў (Ciconia ciconia) з Харватыі. Cамец з гэтай пары апошнія 16 гадоў вяртаецца на тое самае гняздо да той самай партнёршы, у якой сур’ёзна пашкоджана крыло і яна не можа лятаць.
Пара гняздуе ў мясцовасці Brodski Varosz на ўсходзе Харватыі пры самай мяжы з Босніяй і Герцэгавінай. Птушкі нават атрымалі ўласныя імёны: Klepetan i Malenа і іх поспехі і няўдачы адсочваюць многія СМІ.
Сцяпан Вокіч (Stjepan Vokić) прыгарнуў падстрэленую паляўнічымі самку белага бусла яшчэ ў 1993 годзе. Сцяпан – удавец, таму не дзіўна, што ён з птушкай, па яго словах, нават разам глядзелі тэлевізар. Праз некалькі гадоў Малену ў зробленым на даху сарая гняздзе стаў адведваць дзікі самец белага бусла, які атрымаў імя Клепетан адпаведна гукам дзюбы пад час заляцання.
Сцяпае Вокіч з Маленай, якую ён выратаваў.
У першы год пасля стварэння пары, Клепатан адляцеў на зімоўку ў Афрыку, Малена ж засталася ў Харватыі са сваім людзкім апекуном – яна фізічна не змагла б паляцець разам з самцом. Аднак наступнай вясной Клепатан вярнуўся і так працягваецца апошнія 16 гадоў. За гэты час пара выгадавала ажно 62 бусляняты!
Усю зіму Малена праводзіць у цёплай прыбудове з акварыюмам, у які Сцяпан выпускае для яе жывую рыбу. Звычайна Клепатан вяртаецца да сваёй партнёркі амаль у той самы дзень сакавіка штогод, як будзе так і сёлета, мы зможам хутка даведацца.
Паводле www.boredpanda.com (тэкст і здымкі) падрыхтаваў Дзьмітры Вінчэўскі
На гэтую тэму:
Гнёзды белых буслоў “павялічваюцца” на 60 кг штогод
Самы стары нямецкі белы бусел наведаў Чэхію
Польшча ўжо не першая па колькасці белых буслоў?
БЕЛЫЯ БУСЛЫ, ЯКІЯ ЗАСТАЛІСЯ Ў НАС НА ЗІМУ - ЦІ ТРЭБА ІХ РАТАВАЦЬ?
Будучыня белых буслоў – наша смецце?
Белыя буслы: звалкі лепш, чым доўгія пералёты
Чаму белыя буслы больш не хочуць ляцець у Афрыку?
- Увайдзіце ці зарэгіструйцеся каб пакідаць каментары.
КАМЕНТАРЫ