Новае даследаванне паказала, што самцы дамовага вераб’я (Passer domesticus), якія маюць аснаванні сумнявацца ў вернасці сваіх партнёрак, прыносяць менш ежы птушанятам ад такога шлюбу.
- 09.06.2016 - 23:36 | Harrier
- 09.06.2016 - 12:47 | Harrier
Хаця большасць таксаномаў пагадзілася з прапановай надаць былому паўночнаафрыканскаму падвіду пярэстай валасяніцы відавы статус пад назвай атласскай валасяніцы Atlas Flycatcher (Ficedula speculigera), птушкі з Іберыйскага паўвострава лічыліся прамежкавай формай паміж гэтымі двума відамі. У першай публікацыі (Saetre et al. 2001), у якой прагучала прапанова вылучыць як асобны від атласскую валасяніцу, іберыйскія птушкі не ўзгадваліся, іх геном не параўноўвываўся і таксаномы пагадзіліся, што яны павінны быць даследаваны каб лічыць валасяніц з Паўночнай Афрыкі асобным відам. - 06.06.2016 - 19:28 | Harrier
Папугай Крамера (Psittacula krameri), названы так у гонар нямецкага заолога XVIII стагоддзя і абарыгенныя папуляцыі якога распаўсюджаны ў трапічнай Афрыцы і на Індастане, ў апошнія дзесяцігоддзі стаў паспяховым інвазійным відам-інтрадуцэнтам у многіх краінах Свету і асабліва Еўропы. - 03.06.2016 - 19:14 | Harrier
Невялікі востраў Christiansø ў Балтыйскім моры – адно з найлепшых месцаў у Даніі для назірання цікавых відаў птушак. Менавіта тут за апошнія 35 год былі зарэгістраваныя такія рэдкасці, як егіпецкі ляляк (Caprimulgus aegyptius), чырвонахвосты салавей (Luscinia sibilans), Свэнсанаў дрозд (Catharus ustulatus), салавей-чырванашыйка (Luscinia calliope) і сібірская завірушка (Prunella montanella). Аднак 30 мая сюды заляцела сапраўдная рэдкасць!
Я прыплыў на востраў у 11.00 на лодцы, каб здзейсніць сваё штогадовае “я павінен знайсці нешта рэдкае, альбо мой водпуск прайдзе ніяк”.
- 24.05.2016 - 02:07 | Harrier
Блакітнавокую наземную туркаўку (Columbina cyanopis), бразільскага эндэміка, пасля навуковага апісання ў 1870 годзе бачылі толькі некалькі разоў. І вось від, які многімі лічыўся зніклым, быў упершыню сфатаграфаваны і зняты на відэа!
Паводле Чырвонага спісу МСАП (IUCN Red List) 2015 года, 218 відам птушак з 10.425 відаў вядомых для навукі, прысвоены крытычна пагражаемы статус (critically endangered). Адным з самых рэдкіх з гэтых відаў можна лічыць блакітнавокую наземную туркаўку, якую апошні раз назіралі ў 2007 годзе. Аднак на гэтым тыдні міжнародная каманда навукоўцаў паведаміла пра тое, што яе чальцы не толькі назіралі гэты загадкавы від у прыродзе, але і зрабілі гэта ў невядомай да гэтага мясцовасці.
- 21.05.2016 - 00:31 | Harrier
Пастаянныя карыстальнікі нашага сайта ведаюць, што сёлета ў нас можна назіраць за жыццём двух пар сокала-пустальгі (Falco tinnunculus) он-лайн, прычым абодва гнязда знаходзяцца на тым самым шматпавярховіку ў Брэсце. Негледзячы на блізкае суседства, пачатак гнездавання гэтых пар моцна адрозніваецца: першая самка пачала адкладваць яйкі яшчэ 24.04, а другая – толькі 10.05. Чаму такая розніца ў тэрмінах магла з’явіцца?
- 20.05.2016 - 00:47 | Harrier
Учора афіцыйна была прадстаўлена Справаздача па стану птушак Паўночнай Амерыкі (The State of the North America's Birds report), у якой упершыню ацэньваецца стан і тэндэнцыі зменаў колькасці 1154 відаў птушак з Канады, ЗША і Мексікі. Аднак упершыню краіны Паўночнай Амерыкі пачалі супольна ахоўваць птушак яшчэ 100 гадоў таму, калі быў падпісаны Акт па ахове мігрыруючых птушак (Migratory Bird Treaty Act). - 19.05.2016 - 18:18 | Harrier
Шаноўныя сябры і кандыдаты ў сябры Клуба200 АПБ! Пасля доўгага перапынку неўзабаве адновіцца рассылка SMS-паведамленняў пра назіранні цікавых для сябраў Клуба200 відаў птушак. - 18.05.2016 - 16:45 | Harrier
Ужо 28 мая ў Брэсце адбудзецца IV Чэмпіянат Беларусі па фотабёрдынгу! Калі Вы любіце фатаграфаваць і Вам падабаюцца дзікія птушкі – не прапусціце гэтую магчымасць паспрабаваць свае сілы. Запрашаюцца ўсе жадаючыя! - 17.05.2016 - 23:43 | Harrier
У лютым-сакавіку прымаліся заяўкі маладых даследчыкаў на Мемарыяльную Праграму падтрымкі маладых даследчыкаў імя Сяргея Абрамчука (1984-2010) за 2016 г. Мэта праграмы – падтрымка маладых даследчыкаў у галіне арніталогіі ў рэалізацыі іх палявых даследванняў, стымуляванне да публікавання вынікаў сваіх даследванняў. Падведзены вынікі конкурсу! - 14.05.2016 - 18:01 | Harrier
Ісландзкія пясочнікі (Calidris canutus canutus) штогод мігрыруюць паміж месцамі гнездавання ў Арктыцы і месцамі зімоўкі ў Заходняй Афрыцы. З-за пастаяннага паляпцення клімату, птушаняты ў гэтага віду перад адлётам на зімоўку не вырастаюць да патрэбных памераў таму што прапускаюць пік колькасці насякомых у Арктыцы. У выпадку, калі яны далятаюць на зімоўку ў тропікі, яны сутыкаюцца там з іншымі нязручнасцямі: іх больш кароткія дзюбы не дасягаюць да самай лепшай ежы – ракападобных і малюскаў. Таму даследчыкі лічаць, што натуральны адбор будзе прыводзіць да памяншэння памераў ісландзкіх пясочнікаў адначасова з павелічэннем іх дзюбы.
- 14.05.2016 - 13:11 | biot
Представляем очередной обзор пернатых редкостей из Клуба200, посетивших Беларусь в течении апреля. На этот раз мы не будем писать про страны-соседи: весна - пора "горячая" на наблюдения птиц, а потому "хватит и наших". Безусловно, текст технический, достаточно однообразный и скучный. От себя лично решил внести кое-какие комментарии, иногда критические, иногда бессмысленные и, в принципе, пустые, тем самым как-то разнообразив чтение. Свои замечания, обиды, предложения предлагаю вносить в комментариях - там их все равно никто не увидит! )
- 13.05.2016 - 17:36 | Harrier
Амерыканскія даследчыкі параўналі інтрадукаваныя ў ЗША папуляцыі чырвонагаловых амазонаў (Amazona viridigenalis) у гарадах Каліфорніі і Тэксасу з абарыгеннымі папуляцыямі гэтага ж віду ў Мексіцы каб дапамагчы ўратаваць апошніх ад знікнення. - 13.05.2016 - 01:16 | Harrier
Эндэмічны падвід соўкі-сплюшкі (Otus scops), які жыве на Кіпры, даўно падазраваўся заслужваючым асобнага відававога статуса. Гэтыя невялічкія совы тут цямнейшыя, чым любыя птушкі з іншых месцаў Еўропы, сярод іх не сустракаюцца птушкі рыжай морфы, а таксама яны маюць двусілабічны голас, які раней прымалі за голас-пазыўку паміж двума птушкамі. - 11.05.2016 - 17:26 | Harrier
Тое, што вялікія савукі (Mergus merganser) не толькі зімуюць у добрай колькасці, але як мінімум апошнія гады гняздуюць недзе на Нёмане ў межах Гродна, пацверджваюць штогадовыя назіранні самак з ужо падрослымі птушанятамі, якія з канца мая адзначаюцца на рацэ. Аднак дзе канкрэтна гэтыя самыя вялікія еўрапейскія качкі знаходзяць дуплы або норы адпаведных памераў, у якіх і будуюць з уласнага пуху свае гнёзды, дагэтуль заставалася невядомым. І так бы яно і цягнулася, каб не простыя гарадзенцы, якія не толькі заўважаюць незвычайных дзікіх птушак у горадзе, але і гатовы ім дапамагчы ў цяжкай сытуацыі.
КАМЕНТАРЫ