Pustalga 2025

 

  • 03.04.2009 - 22:30 | Harrier

    З сённяшняга дня – 3 красавіка 2009 года - на адным з барселонскіх будынкаў Sagrada Família Temple пачала працаваць уэб-камера. Яна на працягу наступных 4 месяцаў дасць магчымасць усім жадаючым назіраць за парай вандроўных сокалаў, якія зрабілі гняздо ў адной з нішаў. Цяпер самка наседжвае кладку з 4 яек, якая была нядаўна скончана.

    Каб назіраць за гняздом, клікніце на гэтую спасылку: www.falconsbarcelona.net/Falco11/pagines/webcam1.html На сайце можна таксама паглядзець 6,5 хвілінны фільмік пра вандроўных сокалаў сталіцы Каталоніі, фотагалерэю. Ўся інфармацыя і подпісы зроблены на каталанскай мове.   03-04-2009 Падрыхтаваў Дзьмітры Вінчэўскі Крыніца і здымак вандроўнага сокала: www.falconsbarcelona.net
  • 01.04.2009 - 12:38 | Harrier

    Ужо сёлета ў ліпені гэта не будзе сказам з фантастычнага раману. Адмысловы сэрвіс GoogleEarth разам з навукоўцамі з Earthwatch рыхтуюць цэлую сетку ўэб-камераў, якія будуць уключацца на рухі аб’ектаў, якія маюць адпаведную тэмпературу. Напэўна, большасць тых, каго змогуць убачыць такім чынам навукоўцы ды цікаўныя гледачы будуць вялікія звяры дажджавых лясоў Эквадору, аднак магчыма, што камеры змогуць злапаць у свой аб’ектыў і шматлікіх прадстаўнікоў авіафауны гэтай паўднёва-амерыканскай краіны.

  • 01.04.2009 - 02:16 | Pandion
    У Юзэфіне адбыўся чарговы палявы летнік “Начныя жыхары лясоў”, у якім прынялі ўдзел 17 чалавек, галоўным чынам школьнікі і студэнты з Берасцейшчыны. Арганізатарам летніка выступіла Брэсцкае абластное аддзяленне ГА «АПБ». Пад час яго сябры птушак з Берасцейскай вобласці займаліся вывучэннем соў. З гэтай мэтай праводзіліся адмысловыя улікі з выкарыстаннем магнітафоннай стымуляцыі, былі правераныя раней развешаныя і вывешаныя новыя гнездавыя скрыні для розных відаў соў.
  • 31.03.2009 - 17:00 | Harrier

    На пры канцы сакавіка заканчваецца тэрмін, калі ў Польшчы трэба падаваць штогадовую дэкларацыю аб даходах усім катэгорыям падаткаплацельшчыкаў. Цікава, што ўжо трэці год у гэтай краіне (як,дарэчы, і ў шмат якіх іншых краінах Захаду) падаткаплацельшчык мае права самастойна пазначыць якой менавіта грамадзкай арганізацыі ён хоча пералічыць 1% ад сваіх падаткаў. І калі ў 2007 годзе такіх людзей было не так шмат, то ў гэтым годзе доля актыўных грамадзян павялічылася да 20%! Кожны пяты выбраў канкрэтную грамадзкую арганізацыю, якой хоча дапамагчы.

  • 30.03.2009 - 01:21 | Harrier

    Очередной совиный лагерь получился как всегда отличный! Весна оправдала надежды многих получить заряд положительных эмоций ... и сделала это на неделю вперед! Не смотря на мартовские погодные сюрпризы с дождем, увидеть много интересного в пущанских дебрях удалось и в этот раз. Чего стоит только вдохнуть бодрящий аромат вечернего болота, с привкусом талого снега... Да тут еще таинственный клич журавлей на опушке и гоготание пролетающих диких гусей, резвая тяга вальдшнепа и бекаса! Еще приподходе к болоту удивил своим внезапным посвистом воробьиный сычик. А вдалеке за болотом подняла характерный гул серая неясыть. И не смотря на то, что ночная вылазка с прокручиванием магнитофонной записи совиных криков почти не дала результатов, вечер можно сказать удался!

  • 30.03.2009 - 00:41 | Harrier

    На працягу апошніх двух тыдняў, калі на нашым сайце стала працаваць Галерэя і пачалося галасаванне за лепшыя фоты (ці, лепш сказаць, ацэнка па 10-ці бальнай шкале), 7 аўтараў размясцілі 21 здымак птушак. Найбольшы сярэдні бал набрала сапраўды выдатнае фота вусатай сініцы, зробленае мінулай восенню гарадзенскім фотамайстрам Дзьмітрыем Якубовічам.

    Віншуем першага пераможцу!   Ў першую дзесятку, акрамя іншых здымкаў пераможцы, трапілі здымкі яшчэ двух аўтараў: Ані і Андрэя Храмогіных, зробленыя за межамі Беларусі. Акрамя здымкаў птушак, у нашай галерэі таксама можна размяшчаць здымкі людзей, зробленыя ў сытуацыях, звязаных з назіраннямі або вывучэннем птушак. Тут пакуль толькі 4 здымкі, прадстаўленыя 2 аўтарамі. Афіцыйнае галасаванне за іх не прадугледжваецца, але калі яно патрэбнае, можна абмеркаваць гэта пад любым з гэтых здымкаў і пачаць падводзіць вынікі (за два тыдні, за месяц?) у двух катэгорыях: “Птушкі” і “Людзі”   Чакаем Вашыя здымкі, галасы і прапановы.

     

  • 29.03.2009 - 23:41 | Harrier

    Сябры АПБ з Гродзенскага абласнога аддзялення вырашылі дапамагчы вадаплаўным птушкам у не зусім звычайны спосаб. Справа ў тым, што хаця паляванне на тэрыторыі ачышчальных сажалак ВА “Гродна-Азот” (каля в.Беражаны, Гродзенскі раён) забаронена, аднак ахоўнік пастаянна скардзіўся, што часам паляўнічыя ігнаруюць гэтую забарону. Пры гэтым спасылаюцца на тое, што яна нідзе не пазначана на інфармацыйных шчытах, якія стаяць каля кожнага ўваходу да сажалак.

  • 27.03.2009 - 00:07 | Harrier

    Сёньня фотавыстава, арганізаваная Гродзенскім абласным аддзяленьнем АПБ з лепшых здымкаў птушак фотамайстроў з Гарадзеншчыны, пераехала ў сярэднюю школу імя С.Прытыцкага ў раённы цэнтар Вялікая Бераставіца. Больш за 40 фотаздымкаў гарадзенскіх фатографаў: Дзьмітрыя Вінчэўскага, Георгія Гулеўскага, Мікалая Гулінскага, Сяргея Чарапіцы і Дзьмітрыя Якубовіча гасьцінна размясціліся ў холе школы на другім паверсе, дзе не толькі ўпрыгожваюць адну са сьцен, але таксама некалькі адмыслова падрыхтаваных стэндаў.

  • 26.03.2009 - 12:38 | Pandion

        У надыходзячы уікэнд (з 27 па 29 сакавіка) адбудзецца чарговы палявы летнік “Начныя жыхары лясоў”. Гэта ўжо 5 палявы летнік які праводзіцца ў ваколіцах Белавежскай Пушчы з мэтай вывучэння начных драпежных птушак. Летнік адбудзецца ў маляўнічай весцы Юзэфін Пружанскага раена, што на мяжы Берасцейскай і Гарадзенскай вобласці. Пад час летніка сябры “АПБ” з Берасцейскай вобласці маюць магчымасць азнаеміцца з методыкай палявых даследванняў начных драпежных птушак, асновамі біятэхніі, а таксама прыняць удзел у экскурсыях па начным лесе, разам праверыць раней размешчаныя штучныя скрыні для соў.

  • 25.03.2009 - 15:58 | Harrier

    Арганізацыя BirdLife Cyprus (BirdLife на Кіпры) афіцыйна абвесціла, што ў мінулым 2008 годзе больш 1 мільёна ста тысяч дробных вераб’іных птушак было нелегальна забіта на востраве, каб запрацаваць на тых, хто ўжывае іх потым ў якасці афіцыйна забароненых страваў у мясцовых рэстаранах.

  • 24.03.2009 - 12:59 | Harrier

    З 16 запланаваных для размяшчэння на гнёздах вандроўных сокалаў па ўсёй Польшчы уэб-камер пакуль што працуюць дзве: на Палацы культуры і навукі ў Варшаве і ў гнездавой скрыні на коміне мясцовага энергетычнага прадпрыемства ў Влоцлавку (Włocławеk). Цікава, што камера ў Варшаве ўсталявана толькі ў гэтым годзе, тады як влоцлавекская працуе ўжо з 2003 году!

  • 24.03.2009 - 00:25 | Harrier

    Гішпанскае орніталагічнае таварыства SEO збірае он-лайн подпісы пад петыцыяй да Ўраду Экстрэмадуры па адмене планаў па масавай пабудове заводаў, пракладцы дарог і іншаму знішчэнню дзікай прыроды ў гэтай правінцыі без дакладнага ашацавання магчымай шкоды і яе максымальнага змяншэння.

    Дапамажы калегам захаваць прыроду і птушак адной з самых захаваных правінцый рэгіёну, зайдзі сюды: www.seo.org/ciberacciones_detalle.cfm?idArticulo=3319 ,запоўні лацінкай сваё імя, прозьвішча, е-мэйл, выбяры з выпадаючага сьпісу краіну, потым пастаў птушачку ў акенцы і націсні Enter (абразец глядзі вышэй). Разам – для птушак і людзей!
  • 23.03.2009 - 22:33 | Harrier

    З пачатку гэтага году на сайце Ўкраінскага цэнтру даследаванняў драпежных птушак з’явілася некалькі цікавых публікацый, усе яны са здымкамі і магчымасцю абмеркавання. Я выбраў свой ТОП-5:

  • 21.03.2009 - 15:40 | Harrier

    У сярэдзіне сакавіка, дзякуючы супольным намаганням Сірыйскага таварыства аховы прыроды (the Syrian Society for the Conservation of Wildlife (SSCW)) і глабальнай прыродаахоўнай асацыяцыі BirdLife International, убачыла святло кніга, якая дапамагае вызначыць усе 394 віды птушак, адзначаных дагэтуль у Сірыі.

  • 21.03.2009 - 13:25 | Harrier

    У гэту нядзелю запрашаем сябраў АПБ з Гродзенскага абласнога аддзялення (і не толькі) на чарговую экскурсію для назіранняў за птушкамі вакол Гродна.

    Пачатак у 11.10 ад прыпынку аўт.№ 15 і 1 “Гроднамежрайгаз” (Прыпынак адразу пасля павароту на вул.Карскага), прыкладны маршрут: Маслабаза – Забалаць – Русота – Малышчына – вул. Таўлая на Дзевятоўцы. Тут плануем паглядзець птушак адкрытай поймы зпрамленай рэчкі Гажанка і старую таполевую алею і яе насельнікаў каля в.Русота. Працягласць экскурсіі каля 4 гадзін. З увагі на моцны паўночны вецер варта апрануць цёплую і супрацьветраную вопратку. Бутэрброды і тэрмас з гарачым напоем не перашкодзяць. Як заўсёды, на час экскурсіі могуць быць выдадзены біноклі і вызначальнікі. Зьвяртайцеся загадзя да кіраўніка экскурсіі Дзьмітрыя Вінчэўскага на мабілку +375 336 887589.