Дзякуючы адмысловай праграме размяшчэння штучных гнёздаў, у Манголіі сёлета вылупіліся 2000 птушанят сокала-балабана (Falco cherrug). Праект, які выконвалі разам мангольскае міністэрства прыроды, навакольнага асяроддзя і турызму і Агенцтва навакольнага асяроддзя Абу-Дабі (Аб’яднаныя Арабскія Эміраты (ААЭ), пачаўся ў 2010 г. з мэтай павялічыць велічыню дзікай папуляцыі гэтых сакалоў.  

 Бяда амерыканскіх лясоў, асабліва ясеняў – смарагдавы жук-пілільшчык (Agrilus planipennis), які раней жыў выключна ў Азіі, цяпер не называецца ў Амерыцы інакш, як “катастрофа” і  “шкоднік”. Aпошняе даследаванне, заснаванае на дадзеных, сабраных зацікаўленай грамадзкасцю, паказала, што як мінімум для некаторых відаў птушак жук-інтрадуцент можа азначаць зусім іншае – шмат даступнай смачнай ежы. 

 Палявое даследаванне, праведзенае ў Эквадоры паказала, што правакаванне адказных рэакцый птушак прайграваннем іх галасоў надоўга змяняе іх паводзіны і можа мець для птушак небяспечныя наступствы. 

 Розныя віды гнездапаразітычных зязюляў сваёй афарбоўкай мімікруюць пад розныя віды шулякоў з групы карагольчыкаў, каб палохаць гаспадароў гнязда, куды яны хочуць падкінуць свае яйкі. 

 Нашы звычайныя ўяленні пра міграцыю птушак звязаны з іх сезоннымі пералётамі ў кірунках з поўначы на поўдзень і назад. Дзякуючы сучасным тэхналогіям атрымалася ўбачыць міграцыю выключна ўнутры басейна Амазонкі. 

 Калі Вы маеце дзейную шэнгенскую візу, жаданне і час наведаць Гішпанію і паглядзець мясцовых птушак і не толькі - Вас чакаюць на станцыі кальцавання птушак Tarifа. 

 Гродзенскае абласное аддзяленне АПБ і сайт Birdwatch.by запрашаюць дасведчаных і бёдуотчараў-пачаткоўцаў на штотыднёвыя экскурсіі, якія будуць адбывацца штонядзелю з ранку да абеду. Паездкі на аўтамабілях прадугледжваюцца ў самыя цікавыя для птушак і бёдуотчараў месцы вакол гораду Гродна на адлегласць да 30 км.

 У графстве Cumbria жыве самая старая ў Вялікабрытаніі, а можа і ў Свеце сівая сініца (Parus palustris). Яна была акальцаваная дзесяць год таму і была заўважаная ў лесе недалёка ад Haverthwaite.

 Дагэтуль невядомы для навукі від соваў быў адкрыты ў гарах Al Hajar у Амане. Новы від атрымаў назву адпаведна краіне, дзе было зроблена адкрыццё – аманская сава Omani Owl (Strix omanensis). Дэталі адкрыцця тры дні таму былі апублікаваныя ў нідэрландзкім часопісе Dutch Birding. 

 За мінулыя суботу-нядзелю больш за 19 тысяч дарослых, падлеткаў і дзетак прынялі ўдзел у больш чым 900 экскурсіях і іншых арганізаваных назіраннях у 37 краінах Еўропы і Центральнай Азіі.