Вясна будзе! Першая зязюля ўжо вяртаецца дадому

Першая звычайная зязюля (Cuculus canorus) – адна з некалькіх, пазначаных спадарожнікавымі перадатчыкамі спецыялістамі Брытанскага арніталагічнага трасту BTO –вырашыла, што настаў час вяртацца на поўнач з месцаў зімоўкі. Самец зязюлі, які пры адлове ў Вялікабрытаніі атрымаў імя Дэвід (David), пасля 10 дзён перапынку ў працы яго перадатчыка, цяпер ізноў перадае сігналы пра сваё месцазнаходжанне.

За гэты час зязюля пакінула сваё месца зімоўкі ў Конга і праляцела па прамой 980 км на паўночны захад. Цяпер птушка знаходзіцца ў паўднёва-заходняй частцы Цэнтральна-Афрыканскай рэспублікі ўсяго ў 73 км ад яе ўсходняй мяжы з Камерунам.

Зязюля адляцела з тэрыторыі больш-менш самкнутых дажджавых лясоў у Конга і цяпер знаходзіцца ў саване з пералескамі. Сёлета Дэвід пачаў сваё падарожжна на поўнач першым з усіх зязюляў з перадатчыкамі. Гэта на тыдзень раней, чым пачатак вяртання зязюляў адбыўся ў мінулым годзе.

Чатыры іншыя самцы зязюляў з перадатчыкамі на спінах усё яшчэ знаходзяццца ў Конга або недалёка ад яго межаў. Рэгулярна сачыць за перамяшчэннямі гэтых птушак можна тут: www.bto.org/cuckoos 

Паводле www.wildlifeextra.com падрыхтаваў Дзьмітры Вінчэўскі для www.birdwatch.by 

Здымак Дзьмітрыя Вінчэўскага

НА ГЭТУЮ ТЭМУ:

Усе пяць брытанскіх зязюляў з перадатчыкамі ўжо ля экватару

Усе брытанскія зязюлі з перадатчыкамі ўжо ў Афрыцы

Дзе зімуюць зязюлі?

Зязюля інкубуе свае яйкі ўнутры цела

Кукаванне зязюлі ўсё радзей можна пачуць у Вялікабрытаніі

Зязюлі са Скандынавіі - гэта іншы від?

“Скапа вялікай хуткасці”

Польскія арляцы вяртаюцца пад назіраннем спадарожнікаў