Арлы, спадарожнікі і ветракі

Унікальны праект па забеспячэнню дарослых арлоў-маркутоў (Aquila chrysaetos) спадарожнікавымі перадатчыкамі пачаўся ў Паўночнай Швецыі. Асноўная мэта праекту – папярэдзіць шкоднае для гэтых вялікіх драпежных птушак размяшчэнне “ветраных фермаў”.


Даследчыкі са Шведзкага ўніверсітэту сельскагаспадарчых навук (SLU) такім чынам настроілі перадатчыкі, што сігнал на спадарожнікі ідзе раз на гадзіну ў светлы час сутак, такім чынам можна будзе праз нейкі час атрымаць даволі дакладныя мапы выкарыстання арламі сваіх гнездавых тэрыторый, а таксама месцаў зімоўкі. Перадатчыкі ўжо працуюць на шасці дарослых птушках, аднак мэтай ёсць павесіць іх на 20 дарослых арлоў на 10 тэрыторыях. На пяці з іх запланаваная пабудова фермаў ветракоў, а на пяці – не.
"Мы спадзяемся, што зможам вызначыць самыя наведваемыя птушкамі месцы. Калі мы гэта зробім, бяспечнае для маркутоў размяшчэнне “ветраных фермаў” стане магчымым.” – сказаў Тым Хіпкіс (Tim Hipkiss) з SLU. "Ніхто да нас не лавіў жывых маркутоў у Швецыі, і, хутчэй за ўсё, нават у Еўропе. Таму многія калегі думалі, што нічога ў нас не атрымаецца”.
Але дзякуючы падтрымцы экспертаў з ЗША адлоў і забеспячэнне арлоў перадатчыкамі стала магчымым. Для гэтага выкарыстоўвалася прынада з дадатковай ежы, якая выкладвалася нейкі час проста так, а потым каля такіх месцаў хаваўся назіральнік з сеткай. Калі арол быў адлоўлены, прымацаваць перадатчык на яго спіну было ўжо параўнальна лёгкай справай і займала каля паловы гадзіны.
Перадатчык прымацоўваецца як заплечнік з дапамогай тэфлонавай стужкі і не перашкаджае птушцы. У мінулым годзе такім жа чынам сачылі за пяццю маладымі маркутамі. Яны паспяхова вылецелі з гнёздаў і адляцелі на новыя паляўнічыя тэрыторыі дзесяткі кіламетраў ад гнёздаў, у якіх з’явіліся на свет.
 

Здымак з www.kiwiphoto.com
www.birdwatch.co.uk падрыхтаваў Дзьмітры Вінчэўскі для www.birdwatch.by

На гэтую тэму:

Птушкі і ветраныя электрастанцыі

Ветраныя турбіны маюць кепскі для прыроды колер?

Турбіны коштам арлоў не будуюць

Не – энергіі коштам жыцця птушак

Сочым за арламі-вужаедамі дзякуючы спадарожнікам

Сокалы прыляцелі ў Афрыку са спадарожнікавымі перадатчыкамі на спінах

Стэпавы арол пад наглядам спадарожнікаў

Сокалы Элеаноры пад назіраннем спадарожнікаў

Высокія тэхналогіі дапамогуць захаваць птушак

Найстарэйшы арол знойдзены мёртвым


 

Comments