У першай палове чэрвеня вялікая каманда арнітолагаў, якія прадстаўлялі розныя глабальныя сістэмы класіфікацыі класа Птушкі, прадставіла доўгачаканы адзіны погляд на таксанамію класа. Хаця, як і раней, па меры паступлення новых і перасэнсавання старых дадзеных у спісе будуць адбывацца (як абяцана) штогадовыя змены, ужо цяпер даступна для выкарыстання версія AviList’а за гэты, 2025-ы, год.
- 03.07.2025 - 15:18 | Harrier
- 13.08.2025 - 22:12 | Harrier
Вясковыя ластаўкі могуць не толькі адрозніваць твары адных людзей ад іншых, але і запамінаць як мінімум некаторыя з іх. Гэтак адбываецца, калі людзі з’яўляюцца побач з іх гнёздамі і дазваляе эканоміць энергію, якую птушкі не трацяць на непатрэбнае рэагаванне на небяспеку пад час інкубацыі і абагрэву птушанят. - 06.08.2025 - 21:58 | Harrier
Астравы добра вядомыя выдатнай эвалюцыйнай радыяцыяй і хаця іх плошча -гэта толькі каля 6,7% зямной паверхні, яны адказваюць за захаванне прыкладна 20% наземнай біяразнастайнасці. На жаль, на астравах сустракаецца каля паловы ўсіх відаў, якім пагражае знікненне і каля 75% апісаных (postdescription extinct) відаў, якія зніклі, жылі менавіта на астравах. - 05.08.2025 - 16:02 | Harrier
У 1978 годзе рапуха ага, якая з’яўляецца абарыгенам Паўднёвай і Цэнтральнай Амерыкі, была інтрадукаваная для знішчэння шкоднікаў сельскай гаспадаркі на востраў Ishigaki (правінцыя Okinawa, Японія). Гэтыя рапухі выдзяляюць таксін, які ахоўвае іх ад драпежнікаў, бо можа стаць смяротным для іх. Тым не менш, на гэтым востраве знайшоўся драпежнік, адпорны на такcін рапух-інтрадуцэнтаў. Аказалася, што чубаты арол-вужаед, які шырока распаўсюджаны ў Паўднёва-Усходняй Азіі, без бачных праблем здабывае і з’ядае рапух. - 31.07.2025 - 00:54 | Harrier
Брытанскія даследчыкі, якія апошнія 75 гадоў дэталёва вывучаюць розныя праяўленні жыццёвага цыклу дзікіх вялікіх сініц, змаглі паказаць, што прадстаўнікі віду, якія наўрацці застануцца разам з папярэднім партнёрам, дэманструюць гэта задоўга да пачатку новага сезону гнездавання. - 24.07.2025 - 11:05 | Harrier
У птушак з птушанятамі гнездавога тыпу іх вылет з гнязда з’яўляецца крытычным момантам, калі моладзь пазбаўляецца бяспечнага асяроддзя ў гняздзе і непасрэднай аховы бацькоў, якая, між іншага, уключае рэгулярнае забеспячэнне ежай і абарону ад драпежнікаў. З іншага боку, працяглы дагляд бацькоў энергетычна каштоўны і можа прыводзіць да канфліктаў паміж бацькамі і патомствам.
- 21.07.2025 - 12:44 | Harrier
Пад час праверкі месцаў гнездавання сіпух была адзначана самка з кальцом, якая аказалася самай старай прадстаўнічкай віду на Брытанскіх астравах. Паводле дадзеных British Trust for Ornithology (BTO), птушка была акальцаваная птушанём у графстве Nottinghamshire яшчэ ў 2007 годзе. - 18.07.2025 - 17:12 | Harrier
Вызначэнне адрозненняў у складзе харчавання ўнутры віда з’яўляецца адным з асноўных фактараў, каб зразумець адаптацыі папуляцый да адрозненняў у навакольным асяроддзі. Аднак вызначыць чым менавіта харчуюцца невялікія памерам віды часта немагчыма, асабліва калі гэта дробныя аб’екты і непасрэдныя назіранні за працэсам харчавання ўяўляюцца вельмі цяжкімі. Метабаркодзінг ДНК (DNA metabarcoding) можа дапамагчы пераадолець гэтыя цяжкасці, таму што дазваляе неінвазійна і дакладна вызначыць таксанамічныя групы ці катэгорыі, да якіх належала з’едзенае. - 16.07.2025 - 00:46 | Harrier
Выбар месца гнездавання ў птушак з’яўляецца кампрамісам паміж рызыкай драпежніцтва, даступнасцю харчовых рэсурсаў і мікракліматычнымі умовамі. Шчуркі-пчалаедкі, насякомаедныя птушкі, якія ловяць здабычу ў паветры, гняздуюць у норах, якія вырываюць у адпаведнай глебе каб зменшыць уздзеянне тэмпературы паверхні. Акрамя гэтага, структура глебы павінна быць адпаведнай, каб у ёй можна было вырыць норку і яна не абвалілася б. - 07.07.2025 - 19:22 | Harrier
Першы для абодвух амерыканскіх кантынентаў стэпавы лунь нарэшце быў правільна вызначаны па здымках, знятых на Барбадосе. Аднак зроблены яны былі яшчэ ў снежні 2014 году - амаль 11 гадоў таму. - 20.06.2025 - 15:16 | Harrier
Незвычайны выпадак гнездавання ў адным гняздзе двух самак і самца скапы ў Шатландыі, які адбываўся пад назіраннем камеры арганізацыі Forestry and Land Scotland (FLS), скончыўся трагічна для птушанят. - 17.06.2025 - 15:02 | Harrier
Паводле дадзеных, якія былі апублікаваныя ў часопісе Pacific Conservation Biology у панядзелак, аўстралійская сярэдняя белая чапля, пазначаная спадарожнікавым перадатчыкам, амаль двое сутак ляцела без пасадкі і адпачынку паміж Аўстраліяй і Папуа Новай Гвінеяй пад час сваёй міграцыі на поўнач. - 09.06.2025 - 15:27 | Harrier
Поўнае знікненне балотных соваў (Asio flammeus) у адных мясцінах пасля сезону і з’яўленне ў іншых у наступным даўно здзіўляла. Выкарыстанне спадарожнікавых перадатчыкаў вялікай міжнароднай камандай даследчыкаў дазволіла атрымаць дадзеныя, якія прыпадымаюць завесу таямнічасці над жыццём гэтага віду і яшчэ больш здзіўляюць.
- 05.06.2025 - 22:54 | Harrier
Каманда даследчыкаў дзякуючы доўгатрэміновым назіранням змагла сфармуляваць новы погляд на карысць рэдукцыі вывадка для аднаго з марскіх відаў птушак. Хутчэй за ўсё, падобным чынам гэта працуе і для іншых відаў, у якіх цяжка дакладна прадказаць даступнасць зменлівых харчовых рэсурсаў у гнездавы перыяд.
- 22.05.2025 - 16:25 | Harrier
Новае даследаванне дазволіла атрымаць больш дакладную і поўную карціну залётаў наземных відаў птушак з Неарктычнага зоагеаграфічнага рэгіёну ў Еўропу, таму што дапамагло лепш зразумець адкуль яны ляцелі і вызначыць магчымыя прычыны гэтых пералётаў праз Атлантычны акіян.
КАМЕНТАРЫ