У лютым наступнага году мы будзем адзначаць 10-годдзе з пачатку працы нашага сайту “Птушкі штодня”. З гэтай нагоды адбудзецца абнаўленне лагатыпу і, між іншым, падарункі самым актыўным яго карыстальнікам. І першыя сярод роўных будуць нашы фатографы-анімалісты, якія рэгулярна радуюць шыкоўнымі і фантастычнымі здымкамі птушак усіх нашых наведвальнікаў.

Шаноўныя сябры! Сёмую зіму запар мы збіраем і змяшчаем у адмысловую табліцу для  агульнага доступа цікавыя назіранні па зімуючых у нашай краіне відах птушак. Змены ў прыродзе адбываюцца пастаянна, а ў час глабальнага пацяплення мы можам бачыць некаторыя з іх на свае вочы: усё часцей у Беларусі застаюцца на зіму прадстаўнікі тых відаў, якія раней лічыліся выключна блізка- або далёкадыстанцыйнымі мігрантамі.

Старажытныя, нелятаючыя начныя птушкі зніклі ў Уэлінгтоне (Новая Зеландыя) больш стагоддзя таму. Аднак цяпер, дзякуючы вельмі амбітнаму плану па іх рэінтрадукцыі, ківі могуць пачаць гнездаваць тут на працягу наступных дзесяці гадоў.

Калі ў дзікай птушкі, якую Вы сустрэлі побач з домам ці ў прыродзе, атрымалася добра разгледзець асаблівасці апярэння, форму дзюбы і іншыя неабходныя для правільнага вызначэння дэталі, або атрымалася яе сфатаграфаваць, то цяпер з дапамогай бясплатнага мабільнага прыкладання на расійскай мове можна вызначыць яе непасрэдна “у поле”.

Адно з самых вялікіх “сборных” сямействаў вераб’іных птушак, у якое фармальна ўключаюць больш за 450 відаў вераб’іных пераважна Старага свету, было праверана на філагенію з дапамогай сучасных генетычных метадаў. Дзякуючы атрыманым вынікам, навукоўцы прапанавалі істотныя змены ў сістэматыцы гэтай групы.

Да гэтага часу навукоўцы лічылі, што маладыя неполаваспелыя птушкі дапамагаюць бацькам выгадоўваць птушанят (фактычна сваіх малодшых братоў-сёстраў, ці сіблінгаў) таму, што толькі так яны могуць перадаць “свае” камбінацыі генаў, бо яшчэ не могуць размнажацца самастойна. Аднак гэта аказалася праўдай толькі часткова.

Самцы пеўчых птушак, якія мелі пад час знаходжання птушанятамі ў гняздзе камфортныя ўмовы і дастаткова ежы, у далейшым жыцці спяваюць часцей і больш складаныя песні. Да гэтых высноваў прыйшлі даследчыкі з універсітэту Ланкастэра (Вялікабрытанія) упершыню на прыкладзе птушак у прыродных умовах.  

Учора, 13 лістапада, хутчэй за ўсё адбылося самае цікавае назіранне за птушкамі ў нашай краіне за гэты год – Мікалай Верабей пад Любанню на Міншчыне ў адной зграі змог сфатаграфаваць два вельмі рэдкія не толькі для нашай краіны віды птушак.

Лясныя сцежкі, якія рэгулярна выкарыстоўваюцца людзьмі, прыводзяць да меншай відавой разнастайнасці птушак навокал і іх меншай колькасці. Нават калі сцежкі выкарыстоўваюцца дзесяцігоддзямі, гэты адмоўны эфект фактычна не змяншаецца – як мінімум некаторыя віды ўсё роўна пазбягаюць знаходзіцца побач з імі.

Нядаўна былі канчаткова класіфікаваныя ўсе прадстаўнікі сямейства нелятаючых вялізарных сланоўіх птушак, якія яшчэ ў гістарычны час насялялі Мадагаскар.