Менавіта такія дадзеныя вынікаюць са справаздачы Службы ЗША па дзікай прыродзе (U.S. Fish and Wildlife Service), прадстаўленай у сярэдзіне ліпеня 2009 г. Аднак гэтыя лічбы прыведзены на 2006 г. – г.зн. калі рабіліся апытанні для Нацыянальнага даследавання рыбалоўства, палявання і звязанай з дзікай прыродай рэкрэацыі. Яшчэ адна ашаламляльная лічба – штогод бёдуотчынг прыносіць эканоміцы ЗША даход у 36 мільярдаў даляраў!

Штаты, у якіх найбольшая доля насельніцтва назірае за птушкамі, гэта: Мантана (40%), Мэйн (39%), Вэрмонт (38%), Мінэсота (33%) і Айова (33%).

   Не гледзячы на шматлікія пратэсты аматараў прыроды, ў Польшчы працягваецца летняе паляванне на качак, якое паводле польскіх законаў можна пачынаць ужо ў жніўні, у той час, як многія вадаплаўныя птушкі яшчэ не скончылі гнездаванне, а некаторыя маладыя птушкі яшчэ не лятаюць і робяцца лёгкімі ахвярамі паляўнічых і іх сабак.

    На працягу трох тыдняў – з 11  верасня па 4 кастрычніка – міжнародная арганізацыя Камітэт  супраць злачынстваў на птушках (Committee Against Bird Slaughter (CABS)) праводзіць валанцёрскі летнік Safe Haven на Мальце, пад час якога будзе праводзіцца маніторынг і супрацьдзеянне нелегальнаму восеньскаму паляванню на птушак на востраве. Акрамя дапамогі мясцовай паліцыі, валанцёры будуць рэгістраваць усе выпадкі браканьерства.

   Сёлета Птушкай году была выбрана шэрая гусь – від птушак, які ніяк не можа павялічыць сваю колькасць (250-300 пар) ў нашай краіне, хаця ўпершыню адзначаны на гнездаванні ў Беларусі яшчэ 40 гадоў таму, і ў суседніх краінах гняздуюцца тысячы птушак гэтага віду.

   Новае даследаванне паказала, што самцы палявых жаўрукоў (Alauda arvensis) выдатна адрозніваюць песні сваіх суседзяў ад песняў невядомых ім птушак-“прышэльцаў” свайго віду. Апошнія пакуль не маюць сваёй тэрыторыі і таму могуць уяўляць пагрозу для “старых” самцоў, а значыць і іх патомства, таму апошнія павінны быць гатовы як мага хутчэй прагнаць чужакоў.
   Навукоўцы з лонданскага ўніверсітэту Queen Mary вывучалі песні палявых жаўрукоў і параўноўвалі іх структуру. Аказалася, што песні суседніх жаўрукоў утрымліваюць больш падобных сілабаў-фраз, чым іх песні і песні чужакоў. Гэта падобна на людзкія дыялекты.

Толькі дзьве каманды падрыхтавалі рэпартажы з апошніх спаборніцтваў па спартыўнай орніталогіі: “Тім-бай”: http://www.birdwatch.by/naziranni/683 і «Туракохартлауба»:  http://www.birdwatch.by/naziranni/700 Таму паміж імі ў апошнія суткі разыгралася сапраўдная бітва за прыз, прадстаўлены ў гэтай намінацыі чэмпіянату нашым сайтам – найлепшы палявы вызначальнік птушак Еўропы “ Collins Bird guide”. І калі на пачатак учорашняга дня за абодва рэпартажы прагаласавала аднолькавая колькасць зарэгістраваных наведвальнікаў, дык учора новыя карыстальнікі прыбывалі цягам усяго дня. Таму пад канец дня рэпартаж каманды “Тім-бай” пачаў адыходзіць у адрыў і перамог з лікам 70 балаў супраць 55 у супернікаў. Па просьбе каманды вызначальнік будзе дасланы аднаму з яе чальцоў – Аляксандру Раку.
Другая намінацыя прыцягнула больш ўдзельнікаў, але колькасць прагаласаваўшых за Лепшы здымак з гонкі за птушкамі была нашмат меншай. І такіх вялікіх эмоцый – на шчасце або на жаль –  не выклікала. Больш за 20 здымкаў прадставілі агулам 5 каманд.

Мала хто памятае, што мы далучыліся да Сусветнага рэйтынгу ўэб-праектаў, прысвечаных назіранням за птушкамі, не так даўно – 26 мая. І апынуліся на пры канцы першай тысячы. Але ўжо праз 4 дні мы прасунуліся амаль на 500 месцаў уверх – і занялі сваё месца сярод першай паўсотні.

Тэлекамунікацыйныя кампаніі абяцаюць злучыць Свет шырокапалосным Інтэрнэтам для зручнасці карыстальнікаў. Аднак у Паўднёвай Афрыцы паштовы голуб аказаўся нашмат хутчэйшым у пераносцы дадзеных, чым ADSL.
IT кампанія з г.Дурбан вырашыла параўнаць хуткасць 11-ці месячнага паштовага голуба, да якога прымацавалі флэш-картку памяці на 4 Гб, з працай лініі ADSL самай вялікай тэлекамунікацыйнай паўднёваафрыканскай кампаніі Telkom.
За своеасаблівым спаборніцтвам назіралі дзесяткі журналістаў, а он-лайн – яшчэ і сотні карыстальнікаў сацыяльных сетак Facebook і Twitter.

    Хутка можна будзе рэканструяваць не толькі структуру, але і колер апярэння нядаўна зніклых відаў птушак – пра гэта сведчаць вынікі новага навуковага даследавання.
    У наш час працягваюць знаходзіць усё новыя і новыя акамянелыя парэшткі птушак, якія шмат дадаюць да нашых ведаў не толькі пра ўжо зніклыя формы, але і пра сучасных птушак. Але да апошняга часу галоўнай праблемай была немагчымасць уявіць як выглядала іх апярэнне. Ўжо параўнальна даўно было вядома, што нават у выраслым і мёртвым пяры ў пачатку ачыну застаецца ДНК, якое лёгка выдзяліць і аналізаваць. Аднак акамянелыя пёрьі часта не мелі гэтай часткі або яе было не магчыма аддзяліць у добрым стане.

   Маленькая птушачка, не большая за вялікі палец рукі дарослага чалавека, меншая за некаторых насякомых з якімі яна сустракаецца ў тым жа лесе.
Каманда з BBC, якая робіць адмысловую серыю тэлепраграм на Папуа Новай Гвінеі пад назвай “Схованы Свет вулкана” і суправаждае экспедыцыю навукоўцаў, змагла ўпершыню засняць двух жоўтатварых карлікавых папугаяў (Micropsitta pusio). 

    Новыя даследванні паказваюць, што да 2070 г. болей чым на палове тэрыторыі Каліфорніі з’явяцца поўнасцю новыя птушыныя супольнасці, з новым змяшаным відавым складам, “перамешванне” будзе выклікана кліматычнымі зменамі. 
Даследчыкі з Point Reyes Bird Observatory PRBO Conservation Science (PRBO), у супрацы з Stanford University, UC Santa Cruz, і the Klamath Bird Observatory, прааналізавалі агульныя звесткі пра від, апошнюю удакладнённую рэгіянальную кліматычную мадэль зробленую для Каліфорніі і магчымыае будучае распаўсюджанне ў межах штата 60 звычайных відаў птушак. 

     З гэтай восені стартуе новы сэрвіс нашага сайту – мы пачынаем размяшчаць цікавыя назіранні птушак, зробленыя, найперш, бёдуотчарамі з суседніх з намі краін: Польшчы, Літвы і Латвіі. Калі з’явіцца магчымасць, да іх дададуцца цікавосткі з Украіны і Расіі. Акрамя гэтага, незвычайныя залёты розных відаў будуць адсочвацца таксама і для Заходняй Еўропы і нават шырэй – для Заходняй Палеарктыкі.

Мільярды птушак могуць быць выратаваныя штогод дзякуючы значнаму змяншэнню колькасці сутыкненняў птушак з аконным шклом. Для гэтага неабходна ажыццявіць простыя меры: прымяніць дзе гэта магчыма спецыяльную плёнку, зменшыць начное асвятленне ў будынках, паправіць ландшафт каля забудовы, зрабіць вокны лепш заўважнымі для птушак, піша ў The Wilson Journal of Ornithology ў адмысловым артыкуле амерыканскі орнітолаг.

   Пад час штогадовых даследаванняў вялікіх млекакормячых – марскіх леапардаў, якія жывуць ля вострава Bird (Птушка) ля антарктычнага ўзбярэжжа Паўднёвай Джорджыі, даследчыкі заўважылі незвычайныя паводзіны некаторых з іх – яны пачалі паляваць на качак!

    6 чэмпіянат Беларусі па спартыўнай арніталогі стаў ужо гісторыяй, пакінуўшы прыемныя ўражанні і цікавыя ўспаміны. Таму зараз самы час азірнуцца назад і падвесці вынікі: хто, колькі, па чым і навошта? І пачаць напэўна варта з асаблівасцяў сёлетняга чэмпіяната. Амаль упершыню чэмпіянат атрымаў сваю адмысловую эмблему (таксама эмблема была ў першага чэмпіяната). Новым стала і першая online трансляцыя чэмпіяната на нашым сайце, з дапамогай якой можна было сачыць за ўсімі падзеямі Birdrace ў рэальным часе. Таксама пашырыўся спіс намінацый, акрамя асноўнага спаборніцтва, можна паўдзельнічаць у конкурсе на лепшы фотаздымак і расповяд з чэмпіяната. Новым было і неспрыяльнае надвор’е, якое закранула амаль усю тэрыторыю Беларусі.