Пошук ежы або вызначэнне адлегасці да драпежнікаў ці іншых блізкіх аб’ектаў – гэта тыя паводзіны, якія найперш кантралюе зрок птушак. Гэта вынікі даследаванняў, якія былі нядаўна апублікаваныя вядомым арнітолагам з універсітэту Бірмінгему. 

Брэсцкае областное аддзяленне АПБ абвяшчае чарговы конкурс заявак на Мемарыяльную праграму падтрымкі маладых даследчыкаў імя Сяргея Абрамчука (1984-2010). 

Мэта праграммы – падтрымка маладых даследчыкаў у галіне арніталогіі ў рэалізацыі іх палявых даследванняў, стымуляванне да публікавання вынікаў. 

 Амурскія сокалы-шулёнкі (Falco amurensis) сталі знакамітымі год таму з-за вельмі сумнай падзеі – ў індыйскім штаце Нагалэнд адкрылася катастрафічная штогадовая здабыча мясцовым насельніцтвам сотняў тысяч гэтых птушак пад час восеньскай міграцыі віду. Дзякуючы тэрміновым мерам, У НАГАЛЭНДЗЕ БОЛЬШ НЕ ЗАБІВАЮЦЬ АМУРСКІХ СОКАЛАЎ-ШУЛЁНКАЎ + VIDEO.. А нядаўна стала больш вядома пра той маршрут, які гэтыя невялікія сокалы выкарыстоўваюць для дасягнення месцаў зімоўкі.

 Невялічкі геалакатар дапамог даведацца, дзе зімуюць кругланосыя плывунчыкі (Phalaropus lobatus), якія гняздуюць ў Шатландыі. Магчыма, што дзякуючы гэтай тэхнічнай прыладзе, якая важыць менш, чым сашчэпка для паперы, навукоўцам атрымалася знайсці адзін з самых доўгіх шляхоў міграцыі еўрапейскіх птушак. 

 Паўстагоддзя таму, 7 студзеня 1964 года, нарадзіўся Ігар Бышнёў. Арнітолаг, кандыдат біялагічных навук, фотаанімаліст, рэжысёр, сценарыст, аператар, аўтар больш 60 фільмаў і сацыяльных відэаролікаў пра прыроду. З 2005 года - аўтар штотыднёвай передачы «Миллион вопросов о природе» на тэлеканале «МИР». Уладальнік гран-пры, прызёр і дыпламант 45-ці міжнародных кінафестываляў. Удзельнік міжнародных кінапраектаў, у тым ліку для тэлеканалаў Вялікабрытаніі, Германіі, Аўстрыі і ЗША.

  Прадстаўляем Вашай увазе ўсе лепшыя здымкі, якія атрымалі найбольшыя балы міжнароднага Журы на нашым  фотаконкурсе "Магія дзікай прыроды-2013". Шчыра дзякуем усім аўтарам і нагадваем, што ў бліжэйшыя дні будуць абвешчаны ўмовы фотаконкурсу "Магія дзікай прыроды Беларусі -2014".

У першай палове чэрвеня мне пашанцавала ў якасці запрошанага назіральніка ўдзельнічаць у самай вялікай міжнароднай гонцы за птушкамі, якая ў другі раз адбывалася ў Перу – Nor-Amazonico Birding Rally Challenge-2013. За шэсць дзён спаборніцтваў, якія адбываліся ў паўночнай частцы гэтай паўднёва-амерыканскай краіны, мы праехалі прыкладна 1500 км. 

 Шаноўныя сябры!

Сардэчна віншуем Вас з Новым годам! Як звычайна, пачатак новага году сымбалізуе пачатак новага радзелу нашай дзейнасці, накіраванай на папулярызацыю назіранняў за птушкамі ў Беларусі і беларусаў па ўсім Свеце. 

 Брытанскі 40-гадовы бёдуотчар Нэйл Гэйуорд (Neil Hayward) небяспечна наблізіўся да ўстанаўлення новага рэкорду па колькасці адзначаных відаў птушак на тэрыторыі ЗША і Канады на працягу аднаго году. Спаборніцтвы афіцыйна праводзяцца Амерыканскай бёдуотчарскай асацыяцыяй АВА і найбольш вядомыя як American Big Year.

 Сёлета адзначана самая масавая інвазія соваў-бярозавак (Surnia ulula) у гэтай балтыйскай краіне за многія гады. Першыя птушкі былі адзначаныя надзвычайна рана – ажно на прыканцы жніўня. Гэта прыкладна на два месяцы раней, чым першыя рэгістрацыі ў іншыя гады.  

Самцы вялікіх сініц (Parus major) з больш спакойнымі паводзінамі маюць менш “сяброў”, аднак іх сувязі з такімі птушкамі больш моцныя. Навукоўцы вывучалі птушак у Oxfordshire на працягу больш 10 год і аналіз назіранняў дазволіў вызначыць як персанальныя якасці ўздзейнічаюць на паводзіны птушак.

 Міністэрства юстыцыі ЗША абвесціла пра першае паспяховае судзебнае пераследаванне энергетычнай кампаніі, дзейнасць якой прывяла да гібелі шматлікіх птушак на фермах ветракоў. 

 Сардэчна віншуем Ірыну Самусенка з паспяховай абаронай кандыдацкай дысертацыі на тэму ”Сучасны стан, распаўсюджанне і біялогія белага бусла (Ciconia ciconia (L., 1758)) на тэрыторыі Беларусі”.

 Упершыню паводле афіцыйных навуковых дадзеных колькасць відаў птушак, адзначаных у асобнай краіне перавысіла 1900. Згодна з публікацыяй у навуковым часопісе Conservación Colombiana гэта краіна - Калумбія.

Фенамен пастаяннага падкідвання сваіх яек іншым відам на выседжванне вельмі рэдка сустракаецца ў жывёльным свеце – толькі ў некалькіх відаў рыб і птушак. Птушак, якія ніколі не будуюць гнёзды і не выседжваюць яйкі – такіх называюць аблігатнымі гнездавымі паразітамі, - на сёння вядома каля 90 відаў (з амаль 10 тысяч).