Філу Коллінзу не было б сорамна за какаду

Нядаўняе даследаванне паказала, што як мінімум адзін від птушак умее выдатна і па прызначэнні выкарыстоўваць драўляныя дубцы або абломаныя галінкі каб барабаніць. Цікава, што і знешне гэты від – чорны, або пальмавы какаду (Probosciger aterrimus) - выглядае як рок-зорка канца міінулага стагоддзя., калі знакаміты барабаншчык Філ Коллінз толькі пачынаў сваю сольную кар’еру спевака.

Самцы чорных какаду, якія жывуць у Паўночнай Аўстраліі, рэгулярна выкарыстоўваюць дубчыкі і стручкі раслін каб барабаніць імі па дрэвах і такім чынам прыцягнуць увагу самак. У часопісе Science Advances даследчыкі пішуць, што гукі, якія такім чынам атрымліваюцца, зусім не выпадковыя і можна нават прасачыць пэўны іх рытм. Акрамя нас, гэта адзіны вядомы на сёння від жывёл, які гэтак робіць.

“Падобна, што пальмавыя какаду маюць уласнае пачуццё рытму і рэгулярна выконваюць барабанныя партыі, якія сталі важнай часткай падстаўлення магчымасцей самцоў перад самкамі” – кажа Роберт Гэйнсон (Robert Heinsohn),біёлаг з Нацыянальнага аўстралійскага ўніверсітэту ў Канберры. Самкі какаду размнажаюцца толькі раз у два гады, таму самцу вельмі важна так прыцягнуць увагу самкі і затрымаць яе, каб яна пагадзілася адкласці яйкі ў менавіта яго дупло.

Гэйнсон з калегамі занатавалі больш 130 барабанных прадстаўленняў какаду ўсяго ад 18 самцоў у дажджавых лясах паўвострава Cape York. Цікава, што кожны з самцоў меў уласны і распазнавальны “почарк”: адныя птушкі барабаняць хутчэй, чым іншыя і ўстаўляюць уласныя імправізацыйныя кавалкі. Аднак у кожным выпадку рытм быў яўна адчувальны і ніколі не ўспрымаўся як рандомныя гукі.

Ад карлікавых шымпанзэ да марскіх ільвоў, некаторыя віды жывёл могуць успрымаць і нават вучыцца рытсмчным гукам. Шымапанзэ могуць “выстукваць” рытм рукамі і нагамі, часам выкарыстоўваюць для гэтага дрэвы ці камяні, але гэта звычайна нядоўгія па часе і нерэгулярныя прадстаўленні.

Таму бліжэйшымі аналагамі барабанным здольнасцям какаду застаюцца нашы “дробі”. Аднак нават у людзей барабанныя прадстаўленні звычайна не індывідуальныя, а групавыя і некаторымі антраполагамі лічацца перадвеснікамі ўзнікнення музыкі.

Такім чынам, пальмавыя какаду “далучыліся” да невялікай групы птушак, якія пастаянна выкарыстоўваюць прылады. Калі іншыя віды робяць гэта найчасцей, каб здабыць ежу, то какаду- каб прыцягнуць увагу патэнцыйнай партнёркі і ўтрымаць яе.

Крыніца:

R. Heinsohn et al. Tool-assisted rhythmic drumming in palm cockatoos shares key elements of human instrumental music.Science Advances. Vol. 3, June 28, 2017, p. e1602399. doi: 10.1126/sciadv.1602399.

Паводле www.sciencenews.org падрыхтаваў Дзьмітры Вінчэўскі

Здымак з www.larsfoto.se

На гэтую тэму:

Здольнасці папугаяў да імітацыі дапамагаюць ім усталёўваць індывідуальны кантакт

Новакаледонскія крумкачы могуць выкарыстоўваць тры прылады за адзін раз!

Генетыкі адкрылі новы від папугая, які знаходзіцца на мяжы знікнення

Карысныя здольнасці дронга, або як птушкі дураць звяроў

Разумнейшыя самцы птушак маюць больш шанцаў у самак