7-8 ноября в д. Залесье Пружанского района на окраине одного из интереснейших низинных болот Беларуси - болота Дикое состоялся летник для активных отделений АПБ в рамках совместного проекта  АПБ со шведским орнитологическим обществом SOF и организацией SIDA. 

    Малады стэпавы арол, знойдзены параненым у Абу Дабі (Аб’яднаныя Арабскія Эміраты), быў вылечаны і атрымаў спадарожнікавы перадатчык, які дазволіў прасачыць яго наступныя зімовыя і вясновыя перамяшчэнні.
Паранены малады арол быў змешчаны ў Сакаліны шпіталь Абу Дабі (Abu Dhabi Falcon Hospital) і пасля выздараўлення і рэабілітацыі быў выпушчаны ў прыроду ў студзені 2009г. ў Аль Эйн (Al Ain) у раёне Захер (Zakher) і праз увесь час з дапамогай спадарожнікавага перадатчыка адсочваўся Агенцыяй Навакольнага асяроддзя (Environment Agency – Abu Dhabi (EAD)).

    Ахова птушак у глабальным маштабе адбываецца паводле няправільна выбраных прыярытэтаў: так, у развітых краінах трацяць велізарныя рэсурсы на захаванне непагражаемых відаў, тады як многія віды працягваюць знікаць у тропіках, куды ні грошы, ні даследчыкі проста не трапляюць – сцвярджае артыкул у часопісе Tropical Conservation Science.

    Адзін з самых пагражаемых еўрапейскіх відаў птушак зможа больш эфектыўна ахоўвацца дзякуючы сродкам, сабраным на ахвяраванні часопіса Birdwatch і яго чытачоў.
Азорскі гіль, якога на Азорскіх астравах называюць прыола (Priolo), у гэтым годзе атрымае на сваю ахову  £20 000 ад часопіса Birdwatch у дадатак да £31 000, сабраных чытачамі часопіса на працягу двух мінулых гадоў.

    ТВП „Dolina Neru” знаходзіцца на тэрыторыі „Natura 2000” і ўваходзіць у комплекс прадоліны Варшаўска-Берлінскай. Гэта адно з чатырох месцаў гнездавання вяртлявай чаротаўкі на тэрыторыі Польшчы.
Інвентарызацыі птушак на ТВП прысвечаны адмысловы артыкул у чарговым нумары часопіса „Woliera” (nr 5/2009).

   Найстарэйшы брытанскі арол-маркут быў знойдзены мёртвым на востраве Jura. Акальцаваны ў 1987г. як птушаня, ён быў тады замалы, каб дакладна вызначыць яго пол. Цяпер цела арла было знойдзена мясцовым жыхаром, які перадаў інфармацыю пра нумар яго кальца ў RSPB. Прадстаўнік аддзялення RSPB у Шатландыі (RSPB Scotland) сказаў, што ён мяркуе, што смерць арла наступіла ад натуральных прычын. Дагэтуль найстарэйшы брытанскі арол дажыў да ўзросту 16 гадоў.

    У якасці дзіўнай рэакцыі на змяншэнне колькасці даступнай для іх рыбы, белыя пеліканы пачалі есці жывых птушанят олушаў. Гэтыя адаптыўныя паводзіны пеліканаў, упершыню адзначаныя біёлагам Мартай дэ Понтэ Мачада (Marta de Ponte Machado), цяпер былі заснятыя на камеру камандай з BBC, якая працуе над новай серыяй прыродазнаўчых фільмай пад агульнай назвай “Жыццё” (Life.)

    Некаторыя вялікамаштабныя кампутарныя сімуляцыі могуць значна пераацэньваць уздзеянне зменаў клімату на біяразнастайнасць у асобных рэгіёнах.
Нядаўна апублікаваны артыкул у часопісе Science кажа пра тое, што мадэлі, якія збольшага здольныя прадугледзець агульныя заканамернасці, не працуюць добра там, дзе трэба ўлічваць лакальныя асаблівасці, такія як тапаграфія і мікраклімат. Менш маштабныя сімуляцыі падзеяў, якія улічваюць пералічаныя вышэй фактары, выдаюць больш аптымістычную імавернасць падзей.

    Доўгачаканае перапрацаванае і дапоўненае выданне знакамітага палявога вызначальніка птушак Collins Bird Guide, by Killian Mullarney, Lars Svensson, Dan Zetterström and Peter G Grant, чакаецца з друку ўжо на пры канцы лістапада.
Новае выданне таўсцейшае папярэдняга на 10%, у ім 24 новых развароты і інфармацыя пра прыкладна 40 новых відаў птушак (галоўным чынам тых, статус якіх быў падняты з падвідаў да відаў). Грунтоўна была перапрацаваная інфармацыя пра вадаплаўных птушак, буравеснікаў, коўраў, сокалападобных, журавоў, вялікіх чаек, галубоў, туркавак, соваў, свірстуноў, драздоў, падкаменак, іншых дробных вераб’іных (warblers), валасяніц, грычуноў і амерыканскія віды вераб’іных. Для гэтых груп былі папраўлены мапы і малюнкі.

Чарговы з'езд ГА "Ахова птушак Бацькаўшчыны" (АПБ) не адбудзецца, як звычайна, ў апошнюю суботу лістапада - г.зн. 28 лістапада 2009г.

Ў сувязі з эпідэміяй грыпу яго вырашана перанесці на іншы тэрмін. Разам са з'ездам, пераносяцца і іншыя мерапрыемствы, правядзенне якіх было прымеркавана да яго правядзення. А менавіта, сэмінары па ТВП і для студэнтаў.

Дата правядзення з'езду стане вядомая не раней за 20 лістапада, калі яна будзе абмяркоўвацца на паседжанні Центральнага Савету АПБ.

    Шведзкі праект “100 балот” (“100 Wetlands”) дасягнуў амаль палову свайго запланаванага выніку – аднавіць сто лясных балот і забалочаных месцаў да канца 2010 году. Шматлікія балоты па ўсёй Еўропе былі асушаныя, асабліва маштабна гэты працэс адбываўся ў мінулым стагоддзі. Ў Швецыі менш чым адна чацвёртая былых забалочаных тэрыторый захавалася ў больш-менш натуральным стане. У апошнія гады, аднак, адзначаны трэнд па аднаўленню асушаных тэрыторый.

     Апошняе абнаўленне Чырвонага Спісу знікаючых відаў Міжнароднага Звязу аховы прыроды (IUCN Red List of Threatened Species) паказала, што 17291 від з 47677, стан і колькасць якіх ацэньваліся, знаходзiцца пад пагрозай знікнення. Глабальная асацыяцыя BirdLife International адказвае за частку Спісу, які ўтрымлівае птушак. У гэтай частцы да катэгорыі Крытычна пагражаемы (Critically Endangered) аднесены 192 віды, што на 2 віды птушак больш, чым у мінулым годзе.

     Не за гарой ужо новы год - 2010. З гэтай нагоды праект BirdWatch.by вырашыў падрыхтаваць для ўсіх зарэгістраваных карыстальнікаў серыю календарыкаў на гэты год. Пры гэтым, для іх будуць выкарыстаны здымкі з галерэі сайта. Па добрай традыцыі, усе крыстальнікі сайта змогуць паўдзельнічаць у падрыхтоўцы  дадзенай серыі.

    Пасля амаль двухтыднёвага гасцявання ў фае галоўнага корпусу Гродзенскага дзяржаўнага ўніверсітэту, фотавыстава Гродзенскага абласнога аддзялення АПБ перабралася ў Астравецкі раён.
Там, на працягу бліжэйшага месяца ў памяшканні бібліятэкі з характэрнай і адпаведнай тэме выставы назвай вёскі – Варона – яе і паглядзяць тысячы вучняў мясцовых школаў і жыхароў.

    Самыя першыя крокі былі зроблены ў рамках міжнароднага праекту, каб выратаваць самы рэдкі від качак у Свеце – крытычна пагражаемага мадагаскарскага нырка.
На пры канцы 1990х гадоў гэты від качак пачалі лічыць зніклым, але ў 2006г. атрымалася іх “пераадкрыць”, і від адразу атрымаў статус крытычна пагражаемага. Ныркі адзанчаны толькі на адным вулканічным возеры на Мадагаскары.
Раней у гэтым годзе камандзе даследчыкаў з Wildfowl & Wetlands Trust (WWT) і Durrell Wildlife Conservation trust удалося ўбачыць толькі шэсць самак гэтага віду.