Дзякуючы выкарыстанню самага маленькага спадарожнікавага перадатчыка, які існуе, атрымалася адкрыць невядомае дагэтуль месца гнездавання адной з самых рэдкіх птушак у Свеце - куліка-лапатня. Ён мае статус віда, якому крытычна пагражае знікненне (Critically Endangered).
- 25.12.2024 - 23:09 | Harrier
- 20.12.2024 - 20:28 | Harrier
У Свеце існуе мноства рэабілітацыйных цэнтраў, якія, між іншым, прымаюць драпежных птушак і займаюцца іх лекаваннем і аднаўленнем. Аднак рэабілітацыя птушак з разнастайнымі праблемамі - гэта праца- і грошаёмкі працэс. Таму хаця спробы ратавання параненых ці пашкоджаных іншым чынам дзікіх птушак і іншых жывёл звычайна не абмяркоўваюцца з маральнага пункту гледжання, эфектыўнасць падобных дзеянняў для прыроды застаецца збольшага невядомай. І лёс большасці дзікіх жывёл пасля рэабілітацыі і выпуска іх у прыроду больш не адсочваецца. - 16.12.2024 - 18:16 | Harrier
Кожныя 10 гадоў у Свеце адбываюцца чарговыя Міжнародныя ўлікі белага бусла на ўсёй тэрыторыі гнездавання віду: ад Паўночнай Афрыкі і Іберыйскага паўвострава да еўрапейскай часткі Расіі і невялікай азіяцкай папуляцыі. Паводле папярэдніх дадзеных сёлетніх улікаў, у параўнанні з мінулымі, якія адбыліся ў 2014 годзе, у Польшчы колькасць гняздуючых пар зменшылася ажно на 10%. - 15.12.2024 - 14:13 | Harrier
Нядаўняя публікацыя, падрыхтаваная вялікай міжнароднай камандай даследчыкаў на аснове адловаў сотняў птушак, у асноўным паміж 2010 і 2023 гг у верасні-лістападзе ў Швецыі, Нідэрландах, Шатландыі, Францыі і Гішпаніі, дазваляе паглыбіцца ў асаблівасці знаходжання двух сібірскіх таксонаў пячуравак
- 11.12.2024 - 17:10 | Harrier
Ацэнку памеру папуляцыі цецярука ў Паўночна-Падляскай нізіне (Nizinie Północnopodlaskiej) (Паўночна-Усходняя Польшча) праводзілі на аснове падлікаў самцоў пад час такавання. Агулам, на працягу 18 гадоў, паміж 2006-09 і 2023 гг, іх колькасць тут зменшылася на 98%. - 07.12.2024 - 22:49 | Harrier
Толькі праз 17 гадоў пасля яго пачатку скончыўся арыгінальны эксперымент з удзелам дзікіх амерыканскіх варон. Менавіта столькі часу прайшло пакуль адлоўленыя - і такім чынам ‘пакрыўджаныя’ - птушкі адпаведна негатыўна рэагавалі на чалавека, які гэта зрабіў. - 11.11.2024 - 01:06 | Harrier
На сайце Komisji Faunistycznej апублікаваны чарговы гадавы агляд паведамленняў пра назіранні рэдкіх відаў птушак у Польшчы за мінулы, 2023 год. Усяго было пазітыўна разгледжана 225 назіранняў рэдкіх відаў, якія адносіліся да 72 відаў і падвідаў. - 10.11.2024 - 01:24 | Harrier
Вельмі падобна да людзей, прастаўнікі сацыяльна актыўных відаў птушак з узростам маюць усё менш сяброў. Дагэтуль асноўныя прычыны гэтага былі зразумелыя толькі тэарэтычна, а даследаванні для птушак адсутнічалі.
- 03.11.2024 - 19:46 | Harrier
Некалі арлан-белахвост быў шырока распаўсюджаны на востраве, але знік там на пачатку мінулага стагоддзя. Перастаў жа гнездаваць у Ірландыі ён значна раней, больш 150 гадоў таму. Таму першы выпадак гнездавання віда, ды яшчэ паспяховы, між іншым віталі такія прыродаахоўныя арганізыцыі, як Northern Ireland Raptor Study Group (NIRSG) і RSPB. Аднак эфектыўнасць доўгатэрміновага праекту па рэінтрадукцыі віда ў Паўночнай Ірландыі выклікае сур’ёзныя сумненні. - 31.10.2024 - 20:13 | Harrier
У многіх відаў птушак, якія гняздуюць кааператыўна і ў якіх папярэдняе патомства дапамагае сваім бацькам гадаваць наступнае, звычайна адзін з палоў удзельнічае ў гэтым значна больш, чым іншы. Дагэтуль прычыны падобных паводзін заставаліся незразумелымі, але нядаўняе даследаванне вялікай каманды навукоўцаў з Шатландыі змагло праліць святло на гэты фенамен.
- 21.10.2024 - 02:08 | Harrier
Створаная яшчэ шэсць гадоў таму, у 2018 годзе, Працоўная група па арніталагічнай класіфікацыі (Working Group on Avian Checklists (WGAC)), з лютага 2021 года ўжо шчыльна працуе над стварэннем аднаго агульнага спісу птушак на аснове трох галоўных і найбольш пашыраных глабальных сістэм класіфікацыі для класа Птушкі: Clements/eBird, International Ornithological Committee (IOC) і HBW/BirdLife International. - 20.10.2024 - 19:55 | Harrier
Дагэтуль лічылася, што ў Свеце зебравых амадзін самцы спяваюць, а самкі іх толькі слухаюць. Аднак новае даследаванне каманды нямецкіх навукоўцаў з Max Planck Institute for Biological Intelligence даволі нечакана карэктуе гэтае традыцыйнае ўяўленне. - 09.10.2024 - 01:40 | Harrier
Багацце і склад супольнасці могуць уздзейнічаць на функцыі экасістэмы і на тое, як яна адказвае на ўнутраныя і знешнія змены і выклікі. Кропкавыя ўлікі ёсць тыповым метадам замераў відавога і колькаснага складу птушыных супольнасцяў таму, што яны дакладныя, параўнальна малакаштоўныя і не патрабуюць спецыяльных дазволаў ці абсталявання для іх правядзення. - 05.10.2024 - 00:55 | Harrier
Пасля 55 гадоў без задакументаваных сустрэч, фатограф нарэшце зрабіў здымкі малавядомага эндэміка Папуа Новай Гвінеі, новабрытанскага шуляка, які распаўсюджаны там толькі на аднайменным востраве New Britain. - 04.10.2024 - 01:19 | Harrier
Хаця белы бусел - параўнальна звычайны прыродны элемент у многіх нашых паселішчах (можа за выключэннем сярэдніх і вялікіх гарадоў), аднак калі птушкі засялілі тэрыторыю паўночнай і ўсходняй часткі Еўропы больш дакладна стала вядома толькі цяпер, пасля падрабязнага агляду архелагічных знаходак рэштак віда, зробленага нямецкімі навукоўцамі для нашага кантыненту.
КАМЕНТАРЫ