Негледзячы на тое, што птушкі з’яўляюцца найбольш вывучанай групай такога рангу сярод усіх жывёл, штогод навукоўцы апісваюць па некалькі новых відаў птушак. Аднак 2013 год значна вылучаецца на гэтым фоне – сёлета апісана ўжо 23 новыя віды! Апошні новы від быў знойдзены на востраве Лузон (Філіпіны) – гэта наземны цвыркун Томпсана (Sierra Madre Ground-Warbler) Robsonius thompsoni.

 Птушкі могуць надаваць больш увагі абмежаванням хуткасці аўтамабіляў, чым некаторыя кіроўцы. Новае даследаванне паказала, што некаторыя віды птушак, распаўсюджаныя ў Еўропе, могуць аценьваць сярэднюю хуткасць аўтамабіляў, каб сваечасова ўзляцець з дарогі. 

 Шатландзкі траст дзікай прыроды (Scottish Wildlife Trust) з радасцю паведаміў, што з гнязда скапы (Pandion haliaetus) у возера Loch of the Lowes выляцела чарговае птушаня, названае па каляроваму кальцу ‘Blue YZ'. Такім чынам гэта ўжо 50-ты паспяхова выгадаваны патомак знакамітай мясцовай самкі скапы па мянушцы Ледзі ( ‘Lady') і, магчыма, сусветны рэкорд для гэтага рыбаяднага віду драпежных птушак. Усяго Ледзі за сваё доўгае жыццё адклала 66 яек. 

 Арганізацыя BirdLife Malta абвесціла пра знікненне маладой скапы (Pandion haliaetus), якая была забяспечана сатэлітарным перадатчыкам і перастала дасылаць сігналы праз непрацяглы час пасля таго, як даляцела да Мальты. 

 Ужо традыцыйна, ў пяты раз, наш сайт Birdwatch.by мае магчымасць узнагародзіць аўтараў найлепшага рэпартажу і найлепшага здымку з чарговага Чэмпіянату па спартыўнай арніталогіі. Сёлета галоўны прыз – вызначальнік - фундаваны брытанскімі бёдуотчарамі.

 Віншуем пераможцаў і ўсіх удзельнікаў Гонкі за птушкамі, якія на працягу 12 суботніх гадзін  назіралі за імі ў розных месцах па ўсёй Беларусі! Падведзены афіцыйныя вынікі Х Адкрытага чэмпіянату па спартыўнай арніталогіі (Birdrace-2013):

 Найбольшы еўрапейскі спецыяліст па сірыйскаму дзятлу (Dendrocopos syriacus) д-р Ежы Міхальчук (D-r Jerzy Michalczuk) з універсітэту г.Жэшув (Польшча) рыхтуе для навуковага часопіса Ornis Polonica артыкул пра экспансію гэтага віду на нашым кантыненце і шукае апублікаваныя або яшчэ не апублікаваныя звесткі пра распаўсюд дзятла ў Беларусі і асобныя назіранні, зробленыя з 2000 году.

 Апошні тэрмін рэгістрацыі каманд на 10-ты Адкрыты Чэмпіянат па спартыўнай арніталогіі" (Birdrace-2013) скончыўся ў 18.00 пятніцы, 6 верасня. Як і дзве папярэднія Гонкі за птушкамі, сёлетнія спаборніцтвы пройдуць на працягу 12 гадзін (з 6.00 да 18.00) у суботу, 7 верасня.

 Сёння ptushki.org анансаваў першы электронны вызначальнік птушак Беларусі на беларускай мове са здымкамі і запісамі галасоў, а таксама з тэкстамі, ўзятымі з палявога вызначальніка “Птушкі Еўропы” (Варшава, 2000). Акрамя беларускіх назваў усіх відаў птушак Беларусі на пачатак 2013 году, ў ім таксама прыведзены адпаведныя назвы на ангельскай, лацінскай і рускай мовах.

 Навукоўцы з Центральнай лабараторыі ветэрынарных даследаванняў (Central Veterinary Research Laboratory (CVRL)) у Дубаі паспяхова дачакаліся вылуплення джэка, або хубары (Chlamydotis undulata) з яйка свойскай курыцы. Гэта можа быць вельмі шматабяцальным крокам да ўзнаўлення колькасці знікаючых відаў птушак.

 Толькі цяпер стала вядома пра цікавы выпадак праўдападобнага гнездавання соўкі-сплюшкі (Otus scops) на Мазоўшы (Mazowszu), які адбыўся сёлета напрыканцы вясны – пачатку лета. 

У верасні пачынаецца не толькі новы навучальны год, але і праходзіць адно з самых галоўных мерапрыемстваў усіх аматараў назіранняў за птушкамі  ў Беларусі - Чэмпіянат па спартыўнай арніталогіі,  ці "Гонкі за птушкамі" (Birdrace-2013). У гэтым годзе ён пройдзе ўжо ў 10 раз і адбудзецца ў суботу, 7 верасня, з 6.00 да 18.00. Прыняць удзел у спаборніцтвах параўнальна проста, - галоўнае сабраць каманду з 4 чалавек і зарэгістраваць яе да 18.00 пятніцы, 6 верасня.

Свершилось! Очередной полевой семинар-летник "Юный бёдуотчер" состоится! Летник организуется Брестским областным отделением АПБ на территории и при поддержке биосферного резервата "Прибужское Полесье". Предварительные сроки проведения - последняя неделя августа (26-30 августа).

 Малады андскі кондар (Vultur gryphus) – адна з найбольшых лятаючых сучасных птушак – атрымаў крыламетку з нумарам “1” і спадарожнікавы перадатчык. Птушку выпусцілі высока ў Андах Эквадору з намерам сачыць за яе перамяшчэннямі і такім чынам больш даведацца пра жыццё гэтых знікаючых птушак і прыцягнуць увагу грамадзкасці да праблемаў віду.