Аналіз костак эпіорніса, знойдзеных у 2009 годзе ў цэнтральнай частцы Мадагаскара паказаў, што насамрэч людзі былі на востраве задоўга да таго, што меркавалася раней і гэты час адсоўваецца ў мінулае ажно на 6 тысяч гадоў! Сумна, што ўжо тады яны забівалі самых вялікіх на Зямлі птушак.

Афіцыйныя вынікі XV Адкрытага чэмпіяната па спартовай арніталогіі былі падведзеныя толькі цяпер, бо скончыўся час на магчымую апеляцыю згодна з новымі правіламі.

Чым далей ад экватара, тым хутчэйшы тэмп жыцця жывёл. Птушкі з больш высокіх шырот хутчэй становяцца дарослымі, хутчэй пачынаюць размнажацца і не жывуць так доўга, як блізкія віды бліжэй да экватару. Магчыма, што адной з прычын гэтага ёсць сезонная даступнасць рэсурсаў. Новае даследаванне амерыканскіх арнітолагаў упершыню паказала, што падобная залежнасць таксама датычыцца развіцця пер’я – паўночныя птушкі заканчваюць сваю ліньку хутчэй.

Грычуны - своеасаблівая група вераб'іных птушак, якія не гледзячы на свае невялікія памеры, могуць паспяхова паляваць на параўнальна вялікую жывую здабычу. Аднак у адрозненне ад іншых птушак - спецыялістаў у такой справе - сокалападобных і соваў, грычуны навучыліся забіваць сваіх ахвяр інакш. Як - правяралі даследчыкі на амерыканскіх грычунах (Lanius ludovicianus).

Сёлета ў другую суботу верасня - 08.09, адбудзецца чарговы, ужо пятнаццаты Адкрыты чэмпіянат Беларусі па спартыўнай арніталогіі, які прынята коратка называць Birdrace (Гонка за птушкамі). На працягу 12 гадзін, з 6 да 18.00 каманды па ўсёй краіне паспрабуюць адзначыць як мага больш відаў птушак. Цікава, што ўпершыню стала магчымым спаборнічаць у камандах з трох ці чатырох чалавек.

У звычайнай зязюлі (Cucuclus canorus) вядомыя дзве каляровыя морфы: больш распаўсюджаная шэрая і больш рэдкая рыжая, прычым дарослыя самцы вядомыя толькі шэрыя, а дарослыя самкі часцей шэрыя, чым рыжыя. Аднак маладыя птушкі, як паказала новае даследаванне каманды чэшскіх арнітолагаў, могуць быць шэра- або рыжаафарбаваныя не гледзячы на пол.