Што за птушка??

Прывiтанне. Падкажыце, калi ласка, што за птушка. Здымак у парку Чалюскiнцау 09.09.2014

Гэта звычайны паўзунок (Certhia familiaris). Параўнайце са здымкамі ТУТ.

Дзякуй, Harrier !

Што за птушка?

Хутчэй за ўсё шэрая валасяніца - параўнайце са здымкамі ТУТ.

Дзякуй, падкажыце, хто гэта? жоуты

Самцы звычайных зелянушак (Carduelis chloris).

Дзякуй. Цiкава, што гэта за прыгожая карычневая птушка

Гэта самка юрка (Fringilla montifringilla).

Дапамажыце, калі ласка, з чаротаўкамі (ну... я мяркую, што гэта нейкія чаротаўкі?)

Гомель, травень 2020

Апошні зняты ў іншы дзень, і м.б. нехта іншы?

На першых двух здымках, і хутчэй за ўсё на 4-м - дроздавая чаротаўка, з гучным і скрыпучым голасам. 

На 3-м цяжка адначзначна сказаць - можа быць трысняговая чаротаўка..

На 5-м звычайная чаротаўка са светлым яркім і шырокім брывом і менш яркімі палоскамі зверху галавы.

Звычайна ж чаротаўкі лягчэй адрозніваюцца па песне.

Стрынатка-чаротаўка? (на жаль, фота толькі адно, і вось такое). Гомель, травень, трыснягі.

Так, самец стрынаткі-чаротаўкі. Здымак дастаткова добры для вызначэння.

Дапамажыце, калі ласка, зразумець, чый нос. Нос сядзеў у трыснягах і прыглядаўся, а потым вельмі хутка ўляцеў. Птушка ў палёце памерам прыкладна з качку-крыжанку (ці нават менш), на апошнім здымку - магчыма, той жа від, бо сфатаграфавана на 10 хвілін раней на тым жа возеры, і палёт падобны.

Гэта чапля-лазянік - параўнайце са здымкамі ТУТ.

Пашанцавала!

Дзякуй! Так, падабенства ёсьць - але сама я па здымках і не пазнала б:)

1) Ці можна зразумець, чые гэта дзеці абселі мячэўнік?

2) Сядзеў на вярбе, крыху далекавата. Нібы і падобны да чаротаўкі, але спявае неяк ня так (доўгае аднастайнае дрррррр).

Гук (калі я не памылілася з крыніцай гука:), also карцінка не адпавядае)

https://drive.google.com/file/d/1Bs-7AL_SFTVXh7OJkU36m60ozVQHRrKL/view?usp=sharing

https://drive.google.com/file/d/1rsqSk66HPPdUeTqBllLzyeUkxEAJBg_A/view?usp=sharing

Першыя - рэмезы, другая птушка - адзін з трох відаў цвыркуноў.

Можно узнать кто это?)

Так - гэта малады шпак (скворец).

Вялiкi дзякуй:)

02.08.2020, Могилевский район.

Хутчэй так, чым не. Але было б добра паглядзець здымкі з іншых ракурсаў - калі яны ёсць.

Так, выглядае на "чыстага" вялікага арляца: семь падоўжаных "пальцаў" - першаступовых махавых, цёмныя крыючыя крыла, цёмнае вока. 

Благодарю!

Ці можна гэта ідэнтыфікаваць? Па колеры нібы нагадвае звычайнага паўзунка?..

Гомельскі раён, хваёвы бор

Так і ёсць = зв. паўзунок.

Гэта драч? (невялікая затока Дняпра, Гомельскі р-н)

Не, гэта далёкі крэўны - звычайны пагоніч (Porzana porzana).

Дзякуй вялікі!

Вось яшчэ - сустрэла ў лесе дзятла, але на звычайных вялікіх ён не падобны, бо чырвонага, здаецца, зусім няма. Гэта самка малога?

Так, гэта самка малага дзятла (D. minor).

Прывітанне!

Дапамажыце калі ласка з вызначэннем: канюх-мышалоў ці асаед? 

Адназначна не асаед - завузкія крылы і галава з дзюбай не асаеда.

А вось ці канюх-мышалоў наш, ці т.зв. усходні падвід Buteo buteo vulpinus сказаць не вазьмуся. Колер вельмі рыжы. 

Тэарэтычна з такой афарбоўкай мог бы быць і канюх-курганнік Buteo rufinus, таму было б добра даведацца дзе і калі зроблены здымкі.

А мяне засмуцілі палоскі на хвасце, падобна да асаеда. Фота зробленыя на гэтым тыдні ў Мінску, каля Чыжоўскаго вадасховішча.

Ці можна пазнаць, хто гэта? Здымкі рабіла дужа здалёк, птушка лятала (лунала) кругамі. 12.09, Дняпро, мяжа Гомельскага і Рэчыцкага раёнаў.

Так, але гэта толькі адна з вызначальных рысаў, варта не забываць і пра іншыя.

Так, гэта арол-вужаeд (Circaetus gallicus) - амаль белае знізу цела і крылы і цёмная галава і шыя. 

Падкажыце калі ласка што за сокал:

18.09.2020 Дукора

Выдатныя здымкі дарослага сокала-падарожніка (Falco peregrinus) !

Калі ласка, перанясіце назіранне ў раздзел Клуба200. Віншую!

Сокал-падарожнік

Дзякую!

Падкажыце, калі ласка, хто гэта. Птушка вялікая, ляталі ўдвух над полем. У нейкі момант да іх спрабавала прычапіцца варона, дык тая варона зусім несур'ёзна побач выглядала.

Рэчыцкі раён, 05.10.20

Гэта дарослы арлан-белахвост (Haliaetus albicilla) - вялікія памеры, вялікая жоўтая дзюба і кароткі ромбападобны белы хвост.

 Вялікі грычун? Гомельскі раён, 21.11, памерамі ня дужа вялікі, хмызнякі ля возера.

(Маю сумневы, бо неяк... сілуэт не зусім падобны? Але для малога ён недастаткова руды, дый халодна ўжо)

Так - вялікі грычун.

Многія прылятаюць да нас зімаваць з поўначы, таму зімой можна ўбачыць і там, дзе яны яўна не гнездавалі.

Дзякуй!

Улетку я іх там ня бачыла (але тое не паказнік). Затое, малыя грычуны на гэтым лузе дакладна жылі.

22.11, калгаснае поле ля Гомля, якасьць слабая, бо сьвятло, адлегласьць, крывыя рукі... я быў думала, што пустальга (адзін раз птушка "завісла", але не сезон?..)

Здымкі не вельмі блізкія, але вызначыць птушку можна - канюх-мышалоў (B.buteo).

Яны вельмі зменлівай афарбоўкі, таму часам вызначэнне нялёгкае, хаця птушка самая звычайная.

У нас 4 віды драпежных птушак завісаюць на адным месцы пад час палявання: арол-вужаед, сокал-пустальга (у апошнія зімы могуць і застаюцца ў невялікай колькасці зімаваць,таму можна сустрэць і зараз) і 2 віды канюхоў: канюх-мышалоў і касматаногі канюх (B. lagopus). Апошнія вельмі падобныя да "нашых" канюхоў, але прылятаюць да нас з кастрычніка па красавік, звычайна светлыя, з белым надхвосцем і пляма на згібе крыла заўсёды цёмная і вялікая.