Каманда даследчыкаў з Complutense University of Madrid, Instituto de Investigación en Recursos Cinegéticos IREC, Ciudad Real (Гішпанія) і University of Groningen (Нідэрланды) зрабіла комплекснае параўнанне фізіялогіі птушанят белага бусла, якіх бацькі кармілі пераважна ежай са звалак ці пераважна прыроднай здабычай.
- 15.08.2022 - 01:41 | Harrier
- 13.08.2022 - 13:19 | Harrier
Як звычайна, у першую суботу верасня - 03.09, адбудзецца Адкрыты чэмпіянат Беларусі па спартыўнай арніталогіі, які прынята коратка называць Birdrace (“гонка за птушкамі”). На працягу 12 гадзін, з 6 да 18.00, каманды па ўсёй краіне будуць адзначаць як мага больш відаў птушак. Нагадваем, што Правілы засталіся без зменаў і можна спаборнічаць у камандах з трох ці чатырох чалавек. Сёлета Чэмпіянат арганізуе біялагічны факультэт БДУ. - 12.08.2022 - 15:31 | Harrier
Восеньская міграцыя птушак у самым разгары і ў апошнія тыдні найбольш актыўна перамяшчаюцца з месцаў гнездавання ў Арктыцы на месцы зімоўкі на поўдзень розныя віды кулікоў. Гэтая група птушак добра вядомая сваімі лётнымі здольнасцямі і рэкордамі, пра якія атрымалася даведацца найперш дзякуючы сучасным тэхналогіям ў выглядзе разнастайных спадарожнікавых перадатчыкаў і геалакатараў.
- 10.08.2022 - 16:07 | Harrier
Французкія даследчыкі, якія з 2017 г. пазначылі з дапамогай GPS перадатчыкаў 165 бакасаў, сёлета адкрылі самую працяглую з вядомых дагэтуль міграцыю віда з месца зімоўкі ў Францыі да месца гнездавання ў Расіі. - 31.07.2022 - 17:14 | Harrier
Упершыню чайкі-рагатухі былі адзначаны на гнездаванні ў Польшчы на пачатку 1980-х гадоў. З 1989 г. пачалі гнездаваць тут штогод, аднак да апошняга часу не было спробаў зрабіць улікі гняздуючых птушак.
- 29.07.2022 - 21:27 | Harrier
Многія віды жывёл добра вядомыя стварэннем запасаў ежы, і птушкі тут не выключэнне. Сярод апошніх грычуны (Laniidae) вылучаюцца тым, што робяць падобныя запасы ‘дэманстратыўна’, г.зн. насаджваюць здабычу на іголкі раслін ці інакш умацоўваюць яе.
- 21.07.2022 - 00:47 | Harrier
З 1945 да 1977 г. было зроблена 10 рэгістрацый шыладзюбак у Польшчы. Пасля гэтага від рэгістраваўся ў краіне ўжо штогод, а гнездаванне адбывалася ўсё часцей. Самыя раннія рэгістрацыі віда адбываліся на прыканцы сакавіка, самыя познія – у сярэдзіне лістапада. Двойчы пацверджана зімоўка.
- 18.07.2022 - 15:19 | Harrier
За апошнія стагоддзі белы бусел (Ciconia ciconia) паспяхова прыстасаваўся да гнездавання побач з чалавекам і часта будуе свае гнёзды на нашых пабудовах. Штогод гнёзды птушкамі надбудоўваюцца і павялічваюцца ў памерах. Каб знайсці самае вялікае і самае цяжкае гняздо віда (якое, хутчэй за ўсё будзе і самым старым), польскія арнітолагі праводзяць конкурс з узнагародамі: 10 удзельнікаў, якія дашлюць дадзеныя пра самыя вялікія і цяжкія гнёзды віда, размешчаныя ў Еўропе, атрымаюць наборы каштоўных кніг-вызначальнікаў на ангельскай мове. - 14.07.2022 - 16:43 | Harrier
Згодна з папярэднімі рашэннямі, прынятымі Еўрапейскім парламентам і Радай Еўразвязу і на аснове вызначэння, прынятага Польшчай пры стварэнні Базы дадзеных чужародных відаў, Інстытут аховы прыроды ПАН прысвоіў свойскаму кату ў гэтай краіне статус інвазійнага інтрадуцэнта.
- 10.07.2022 - 00:39 | Harrier
Каманда даследчыкаў, якую ачольвалі прадстаўнікі Oxford University, змаглі знайсці невялікія рэшткі калоній вельмі рэдкіх у наш час продкаў свойскіх і паўдзікіх шызых галубоў. Скальны, або дзікі шызы голуб ужо знік у Англіі і Уэлсе, і згодна з атрыманымі генетычнымі дадзенымі, працягвае знікаць нават на самых аддаленых астравах Шатландыі і Ірландыі. - 03.07.2022 - 14:11 | Harrier
Некаторыя віды вераб’іных птушак могуць загадзя даведвацца ад іншых прадстаўнікоў свайго віду пра хуткі недахоп харчовых рэсурсаў і дзякуючы гэтаму паспяваюць змяняць сваю фізіялогію і паводзіны – гэта знайшлі даследчыкі з Oregon State University College of Science на прыкладзе доследаў з крыжадзюбам-яловікам. - 23.06.2022 - 01:14 | Harrier
В далёком 2002 году, когда мне было всего-то 56 лет, на огромном верховом болоте я построил искусственное гнездовье для самого могучего орла северной Палеарктики – беркута. Время летело, как курьерский поезд, а орлы гнездились в других гнёздах, но я продолжал верить и ждать, периодически подновляя эту постройку. - 01.06.2022 - 15:01 | Harrier
Згодна з асноўнымі прыродаахоўнымі дырэктывамі Еўразвязу - Дырэктывай па дзікіх птушках і Дырэктывай па месцапражываннях (Bird and Habitat Directives), краіны-чальцы ЕЗ павінны ахоўвываць прыроду. Таму выпускаць свойскіх катоў “пагуляць” па-за памяшканнямі чалавека, дзе яны масава забіваюць і нясуць іншыя пагрозы дзікім жывёлам, фактычна незаконна. Аднак рашэнне мясцовых уладаў горада Walldorf (паўднёва-заходняя Германія) пра забарону выпускаць хатніх коцікаў “на вуліцу”, выклікала супраціў іх уладальнікаў. - 30.05.2022 - 16:36 | Harrier
Пад час зімоўкі каўкі збіраюцца на начлег вялікімі групамі ад сотняў да тысяч птушак у адным месцы. Нядаўняе даследаванне паказала, што для таго, каб вырашыць калі ўсім разам адляцець з супольнага месца начлега, яны выкарыстоўваюць своесаблівы дэмакратычны працэс прыняцця рашэння. - 25.05.2022 - 16:20 | Harrier
Спіс птушак Беларусі ў апошнія дзесяцігоддзі павялічваецца ў сярэднім на 1-3 віды штогод. Для таго, каб рэгістрацыі новых для краіны, некаторых залётных і рэдкіх відаў птушак cталі навуковымі фактамі, іх разглядае Беларуская арніта-фауністычная камісія (БАФК). Звычайна для яе рашэння дастаткова здымкаў або відэа адпаведнай якасці, часам - запісы голасу ці мапа перамяшчэння птушкі са спадарожнікавым перадатчыкам над нашай тэрыторыяй. І вось упершыню для канчатковага вызначэння новага для краіны віда спатрэбіўся генетычны матэрыял.
КАМЕНТАРЫ