Многія віды птушак могуць вярнуцца ў родныя для іх мясціны нават калі апынуцца далёка ад іх і ў зусім незнаёмай ім мясцовасці. Найбольш знакамітыя з такіх відаў – шызыя галубы. Пасля 40 гадоў даследаванняў і стварэння рэгіянальных мап пахаў для некаторых тэрыторый, навукоўцы думаюць, што пахі граюць ключавую ролю ў арыентацыі галубоў.
- 29.10.2020 - 18:45 | Harrier
- 25.10.2020 - 16:17 | Harrier
У апошнія дні на Гарадзеншчыне адбыліся дзве важныя арніталагічныя падзеі. І як гэта не дзіўна, яны аказаліся ўскосна звязаныя паміж сабой. І калі пра першы за апошнія некалькі гадоў доказ гнездавання ў нашай краіне сіпухі падрабязны наш расповед яшчэ наперадзе, то пра другую падзею – рэгістрацыю новага для Беларусі віда птушак – бурай пячураўкі (Phylloscopus fuscatus) - расказ ніжэй. - 21.10.2020 - 15:48 | Harrier
Добрае веданне стратэгіі міграцыі і даступнасці месцаў адпачынку пад час пералётаў тых відаў птушак, якім пагражае знікненне, ёсць неабходным для выпрацоўкі і прымянення эфектыўных планаў па іх ахове. Польскія даследчыкі праверылі на аснове ранейшых публікацый, ці неабходныя месцы адпачынку вяртлявай чаротаўцы (Acrocephalus paludicola) у Сахары, ці птушкі могуць пралятаць пустыню без пасадкі?
- 18.10.2020 - 16:26 | Feather
Совсем неожиданно возможности современных социальных сетей для международных быстрых контактов и обмена информацией помогли установить интересный научный факт из жизни обыкновенной пустельги. Сокол, окольцованный и обязательным металлическим, и специальным цветным пластиковым кольцом на юго-западе Беларуси в Бресте, был пойман почти через 100 дней …в Ливии! - 14.10.2020 - 22:10 | Harrier
Пад час пералёту з месца гнездавання на Алясцы на месца зімоўкі ў Новай Зеландыі, малы грыцук за 11 дзён без пасадкі пераадолеў больш 12 тысяч кіламетраў! Гэта новы рэкорд безпасадачнага пералёту. Цікава, што папярэдні таксама належаў малому грыцуку. - 13.10.2020 - 15:44 | Harrier
"Пакажы ўнікальнасць памежжа Польшчы, Беларусі і Украіны” - гэта фотаконкурс ад Цэнтра еўрапейскіх праектаў. Ёсць цудоўныя здымкі прыродных ці культурных з’яў, зробленыя ў нашай краіне і якія хочацца паказаць іншым? Тады запрашаем да ўдзелу! З-за пацяплення клімату змяніўся не толькі пачатак гнездавання птушак, але і яго заканчэнне ў сезоне
12.10.2020 - 18:30 | Harrier
Вельмі важна, каб час размнажэння максімальна адпавядаў аптымальнай колькасці рэсурсаў для адпаведных відаў птушак. Таму розныя аспекты размнажэнне вельмі адчувальныя да розных фактараў навакольнага асяроддзя. Фінскія навукоўцы праверылі: ці адбываюцца змены не толькі пачатку гнездавання розных відаў, але і яго заканчэння ў сезоне.
- 07.10.2020 - 16:31 | Harrier
Бажан – шырока распаўсюджаны ў паўднёвай частцы Усходняй Палеарктыкі політыпічны від, для якога прызнаюць 30 падвідаў. Як абарыгенны від, ён насяляе многія краіны і геаграфічныя мясціны, ад Цінхай-Тыбецкага нагор’я ў Кітаі на вышыні да 3500 м над узроўнем мора да паўднёва-усходняй часткі Сібіры, Паўночны Віетнам і Мьянму, Цэнтральную Азію. Варыяцыі апярэння самцоў бажана з розных геаграфічных папуляцый параўнальна значныя і традыцыйна іх аб’ядноўвывалі ў 5 груп. - 04.10.2020 - 12:16 | Harrier
Дзякуючы дадатковаму да металічнага пластыкаваму беламу кальцу на вялікай белай чаплі, адзначанай 16 верасня на востраве Bank у Lower Derwent Valley (Паўночны Йоркшыр), і хуткаму адказу Беларускага цэнтра кальцавання птушак, атрымалася даведацца пра месца кальцавання другой для Вялікабрытаніі прадстаўнічкі віда з Беларусі. - 25.09.2020 - 23:01 | Harrier
Вялікая міжнародная каманда навукоўцаў, якая вывучае кулікоў, знайшла, што паспяховая пара партнёраў у зуйкоў хутчэй за ўсё распадзецца ў адрозненне ад пары, якая гнездавала няўдала. Гэта стратэгія супрацьлеглая той, якую выкарыстоўвывае большасць іншых відаў птушак, якія звычайна расстаюцца з партнёрам пасля няўдачы пад час гнездавання.
- 24.09.2020 - 19:45 | Harrier
Спарванне па-за парай параўнальна часта сустракаецца ў сацыяльна манагамных відаў птушак. Аднак перавагі падобных паводзін для самак застаюцца не заўсёды зразумелымі. Адна з гіпотэз, якая тлумачыць часты ўдзел самак у капуляцыях па-за парай кажа пра тое, што так самкі могуць быць упэўненымі, што іх кладка будзе заплоднена нават у выпадках, калі асноўны партнёр стэрыльны. Нямецкія навукоўцы на прыкладзе сініх сініц паказалі, што прынамсі для часткі выпадкаў гэта правільнае тлумачэнне. - 17.09.2020 - 22:40 | Harrier
Даследаванне, зробленае ў Гішпаніі, паказала, што самцы звычайнай рудахвосткі насамрэч, малавядомыя, але выдатныя майстры імітацыі галасоў іншых відаў птушак. Прычым іх здольнасці настолькі шырокія, што яны могуць пазнавальна імітаваць галасы такіх розных відаў, як шэрая чапля, арол-карлік, сарока, шчурка-пчалаедка, авяльга ці заходні салавей! - 04.09.2020 - 15:56 | Harrier
Еўрапейскі звяз прыняў рашэнне забараніць выкарыстанне свінцовага шроту і іншай свінцовай амуніцыі для паляванняў, якія адбываюцца на водна-балотных угоддзях. Поўная забарона наступае ў 2022 годзе, два гады працягнецца т.зв. пераходны перыяд. - 12.08.2020 - 00:58 | Harrier
Сёлета ў першую суботу верасня - 05.09, адбудзецца чарговы, XVII Адкрыты чэмпіянат Беларусі па спартыўнай арніталогіі, які прынята коратка называць Birdrace (Гонка за птушкамі). На працягу 12 гадзін, з 6 да 18.00, каманды па ўсёй краіне паспрабуюць адзначыць як мага больш відаў птушак. Дзякуючы больш ліберальным Правілам (гл. ніжэй), прынятым у 2018 годзе, стала магчымым спаборнічаць у камандах з трох ці чатырох чалавек. - 04.08.2020 - 23:17 | Harrier
Новае даследаванне знайшло, што дзве траціны палявых свірстуноў мігрыруюць уначы – дагэтуль від лічыўся дзённым мігрантам. Гэтыя вынікі былі атрыманы дзякуючы выкарыстанню сучасных тэхналогій.
КАМЕНТАРЫ